رہتے،دوسرےشہروں کے طَلَبہ بھی آپ رَحْمَۃُ اللّٰہ ِ عَلَیْہ کی تعریفات اورعُلوم و فُنون میں مہارت کے چرچے سُن کرآپ رَحْمَۃُ اللّٰہ ِ عَلَیْہ  کی خدمت میں عِلْمِ  دین حاصل کرنے اورآپ رَحْمَۃُ اللّٰہ ِ عَلَیْہ  کے فیض سے برکتیں لُوٹنے کے لئےحاضر ہوتے رہے،آپ رَحْمَۃُ اللّٰہ ِ عَلَیْہ علم و عمل کےایسے  پیکر تھے کہ جو بھی آپ رَحْمَۃُ اللّٰہ ِ عَلَیْہ کےپاس علم حاصل کرنےکےلئےحاضرہوتا،وہ خا لی ہاتھ نہ لوٹتا تھا ،آئیے!آپ رَحْمَۃُ اللّٰہ ِ عَلَیْہ کے علم و عمل اوردرس وتدریس کی  خوبیوں اور علمی خدمات کے بارے میں سنتی ہیںچُنانچہ

مَسْنَدِتَدْرِیْس

       حضرت سَیِّدُنا قاضی ابو سعید مُبارَک رَحْمَۃُ اللّٰہ عَلَیْہ کا    بغداد میں ایک مدرسہ تھا، وہ اس میں اصلاحی بیانات کرتے   اور عِلْمِ دین حاصل کرنے والوں کو علم سکھایا کرتے تھے، جب  قاضی صاحب رَحْمَۃُ اللّٰہ ِ عَلَیْہ  کو آپ رَحْمَۃُ اللّٰہ ِ عَلَیْہ  کے علمی و عملی کمالات کا علم ہوا تو  قاضی صاحب رَحْمَۃُ اللّٰہ ِ عَلَیْہ  نے اپنا مدرسہ آپ رَحْمَۃُ اللّٰہ ِ عَلَیْہ  کے حوالے  کر دیا،پھر جب لوگوں نے آپ رَحْمَۃُ اللّٰہ ِ عَلَیْہ    کی علمی مہارت  کا ذکر سنا تو لوگوں کی کثیر تعداد  آپ رَحْمَۃُ اللّٰہ ِ عَلَیْہ    کی بارگاہ میں عِلْمِ دِین حاصل کرنے کے لئے حاضر ہونے  لگی۔^([1])

تیرہ (13)عُلوم پر دسترس

          حضرت علامہ نورُ الدّین ابُوالحسن علی شَطْنُوفی رَحْمَۃُ اللّٰہ عَلَیْہ  فرماتے ہیں: حضرت سَیِّدُنا شیخ عبدُالقادر جیلانی  رَحْمَۃُ اللہِ عَلَیْہ تیرہ (13)علوم میں بیان فرمایا کرتےتھے،آپ  رَحْمَۃُ اللّٰہ ِ عَلَیْہ  کےمدرسے میں لوگ آپ رَحْمَۃُ اللّٰہ ِ عَلَیْہ  سےتفسیر،حدیث،فِقْہ اورعِلْمُ الْکَلام وغیرہ پڑھتےتھے،دوپہر سے پہلے اور بعد دونوں وقت لوگوں کوتفسیر، حدیث،فِقْہ، کلام،اُصول اورنَحْوپڑھاتے تھے اور ظہر کے بعد آپ رَحْمَۃُ اللّٰہ ِ عَلَیْہ   تجوید و قراءت کے