دم  سب  کچھ ایسے بھول گئے جیسے ہمیں کچھ نہیں آتا۔مگر جب غوثِ پاک رَحْمَۃُ اللّٰہ عَلَیْہ  نے  ہمیں اپنے مُبارک سینے سے لگایا توہم میں سے ہر ایک کا علم واپس آگیا اور اس سے بھی زیادہ  حیرت انگیز بات یہ ہے کہ حضور غوثِ پاک رَحْمَۃُ اللّٰہ عَلَیْہ  نے ہمارے سوالات کے وہ جوابات ارشاد فرمائے جو پہلے ہمارے علم میں نہ تھے۔(قلائدُ الجواہر،ص ۳۳۔بہجۃ الاسرار   ذکر وعظہ ،ص۹۶)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو!غوثِ پاک رَحْمَۃُ اللّٰہ عَلَیْہ نے اپنی ساری زندگی عِلْمِ دِیْن کی ترویج و اشاعت میں  بسر فرمائی۔ہمیں بھی آپ رَحْمَۃُ اللّٰہ عَلَیْہکی سیرت پر چلتے ہوئے حُصُولِ عِلْمِ دِیْن میں مشغول ہوجانا چاہیے ۔ اَلْحَمْدُ لِلّٰہفی زمانہ عاشقانِ رسول کی مدنی تحریک دعوتِ اسلامی نے  ہماری آسانی کیلئےعلمِ دین   سیکھنے کے بہت سے ذریعےمہیا کردئیے ہیں ۔ مدنی مُنّوں اورمدنی مُنّیوں کی بہتر تعلیم وتربیت کیلئے مدارسُ المدینہ ،دارُالمدینہ اور  درسِ نظامی(عالم کورس ) کرنے کے خواہشمنداسلامی بھائیوں اوراسلامی بہنوں کیلئے جامعاتُ المدینہ قائم ہیں۔

صَلُّوْا عَلَی الْحَبِیْب!                                                         صَلَّی اللّٰہُ تَعَالٰی عَلٰی مُحَمَّد

تیل ڈالنے اور کنگھی کرنے  کی سنتیں اور آداب

میٹھی میٹھی اسلامی بہنو!آئیے!شَیْخِ طَرِیْقَت،اَمیرِ اَہلسُنّت دَامَتْ بَرَکاتُہُمُ الْعَالِیَہ کے رسالے ”163 مَدَنی پھول“سے تیل ڈالنے کی سُنّتیں و آداب  سنتی ہیں:٭حضرت سَیِّدُنا اَنَس رَضِیَ اللہُ عَنْہ فرماتے ہیں:حُضورِ اَنْوَر،شَافِعِ مَحْشَر صَلَّی اللّٰہُ عَلَیْہِ واٰلِہٖ وَسَلَّمَ سَرِ اَقْدَس میں اکثر تیل لگاتے،داڑھی مبارَک میں کنگھی کرتے تھے اوراکثر سرِ مبارَک پر کپڑا (یعنی سَر بَنْد شریف) رکھتے تھے یہاں تک کہ وہ کپڑا تیل سے تر  ہو جاتا تھا۔(اَ لشَّمائِلُ ا لْمُحَمَّدِیَّۃ،ص۴۰ ،حدیث:۳۲) ٭حدیث ِ پاک میں ہے:جو بِسْمِ اﷲ پڑھے بغیر تیل لگائے تو 70