میٹھی میٹھی اسلامی بہنو! غوثِ پاک کی عظمت کو اپنے دل میں مزید بڑھانے کے لئے دعوتِ اسلامی کے مدنی ماحول سے ہر دم وابستہ رہیےاور 8 مدنی کاموں میں  بڑھ چڑھ کر حصہ لیجئے،8مدنی کاموں میں سے ایک مدنی کام ”انفرادی کوشش “بھی ہے آپ  تمام اسلامی بہنوں   کی بارگاہ میں مدنی التجا ہے کہ نئی نئی اسلامی بہنوں پر اِنفرادی کوشش کرتے ہوئے اِنھیں دعوتِ اسلامی کے مدنی ماحول سے مُنْسلک کیجئے، مُعَلِّمَہ، مُبَلّغَہ اور مُدَرِّسَہ بنا کر دعوتِ اسلامی کا مَدَنی کام بڑھایئے۔وہ اسلامی بہنیں جو پہلے آتی تھیں مگراب نہیں آتیں،بالخصوص اُن پر اِنفرادی کوشش کر کے اُنہیں مَدَنی ماحول سے دوبارہ وابَستہ کیجئے۔ شیخِ طریقت ،امیرِ اہلسنّت ،با نی دعوت ِاسلامی حضرتِ علامہ مولانا ابو بلال محمد الیاس عطارؔ قادری رضوی ضیائی دَامَتْ بَرَکَاتُہُمُ الْعَالِیَہ  ارشاد فرماتے ہیں :دعوتِ اسلامی کا 99 فی صد مدنی کام انفِرادی کوشش سے ممکن ہے، اَلْحَمْدُ لِلّٰہ  انفرادی کوشش کی برکت سے کئی اسلامی بہنیں دعوتِ اسلامی کے مدنی ماحول سے وابستہ ہوچکی ہیں آیئے! آپ کی ترغیب وتحریص کے لئے انفرادی کوشش کی ایک مدنی بہار پیشِ خدمت ہے چنانچہ

گناہوں کے دلدل سے کیسے نکلی؟

       ایک اسلامی بہن عاشقانِ رسول کی مدنی تحریک دعوتِ اسلامی کے مہکے مہکے مدنی ماحول سے وابستہ ہونے سے پہلے فکرِ آخرت سے غافل تھیں۔ اس گناہوں بھری زندگی سے نجات کی ترکیب یوں بنی کہ کسی نے شیخِ طریقت، امیرِاہلسنّت حضرت علاّمہ مولانا ابوبلال محمد الیاس عطّار قادری رَضوی دَامَتْ بَرَکاتُہُمُ الْعَالِیَہ کی مایہ ناز تالیف’’فیضانِ سنّت‘‘اور کچھ رسائلِ عطاریہ بطورتحفہ ان کے گھر بھجوا دیے۔ایک ولیِ