اپنے مَولیٰ کا پیارا ہمارا نبی                                   دونوں عالَم کا دُولہا ہمارا نبی

بُجھ گئیں جس کے آگے سبھی مَشْعَلِیں                شمع وہ لے کر آیا ہمارا نبی

خَلْق سے اَولیا اَولیا سے رُسُل                             اور رَسُولوں سے اَعلیٰ ہمارا نبی

مُلکِ کَونَین میں انبیا تاجدار                                تاجداروں کا آقا ہمارا نبی

کیا خَبر کتنے تارے کھِلے چُھپ گئے                      پر نہ ڈُوبے نہ ڈُوبا ہمارا نبی

(حدائقِ بخشش،ص:۱۳۹،۱۳۸)

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

میٹھی میٹھی اسلامی بہنو!ہمارے آقا، دوعالم کے داتا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے معجزات بے شمار ہیں، اللہ پاک نے اپنی عطا سے آپ کو ایسا زبردست اختیار اور قوت عطا فرمائی ہے کہ  جس کا اندازہ بھی نہیں کیا جا سکتا۔ آپ چاہیں تو چاند کے ٹکڑے کردیں، آپ چاہیں تو ڈُوبا سورج پلٹا دیں، آپ چاہیں تو پانی میں پتھر تیرا دیں، آپ چاہیں تو لکڑیاں بلب کی مانند روشنی دینے لگیں، آپ چاہیں تو لعابِ دہن ڈال کر کھاری کنووں کو میٹھا کردیں، آپ چاہیں تو انگلیوں سے پانی کے چشمے بہا دیں، آپ چاہیں تو شَجَر و حَجَر سے کلام کریں، آپ چاہیں تو درخت آپ کی بارگاہ میں حاضری کو آئیں، آپ چاہیں تو تھوڑا سا دودھ ستر آدمیوں کو کافی ہو جائے، آپ چاہیں تو تھوڑا ساکھانا کثیر جماعت کو کفایت کرے، آپ چاہیں تو  جانور انسانی بولی بولنے لگیں، الغرض! آپ جیسا چاہیں اس دنیائے رنگ و بو میں تصرف فرمائیں آپ کے پاس  سب اختیارات ہیں۔ آئیے! حصولِ علمِ دین کی نیت سے چند مزید معجزاتِ رسول سنتی ہیں:

کھانے میں برکت ہو گئی: