سیدی اعلیٰ حضرت،اِمام احمد رضا خان رَحْمَۃُ اللہِ عَلَیْہ کتنے پیارے اندازمیں شانِ مصطفےٰ و خصائصِ مصطفےٰ کواپنے مجموعۂ  کلام میں لکھتے ہیں:

سب سے اَولیٰ و اعلیٰ ہمارا نبی                               سب سے بالا و والا ہمارا نبی

اپنے مَولیٰ کا پیارا ہمارا نبی                                   دونوں عالَم کا دُولہا ہمارا نبی

بُجھ گئیں جس کے آگے سبھی مَشْعَلِیں                شمع وہ لے کر آیا ہمارا نبی

خَلْق سے اَولیا اَولیا سے رُسُل                             اور رَسُولوں سے اَعلیٰ ہمارا نبی

مُلکِ کَونَین میں انبیا تاجدار                                تاجداروں کا آقا ہمارا نبی

کیا خَبر کتنے تارے کھِلے چُھپ گئے                      پر نہ ڈُوبے نہ ڈُوبا ہمارا نبی

(حدائقِ بخشش،ص:۱۳۹،۱۳۸)

ا شعار کی وضاحت:ہمارے آقا و مولیٰ صَلَّی اللّٰہُ  عَلَیْہِ واٰلِہٖ وَسَلَّمَساری مخلوق سے افضل و اعلیٰ ہیں اور آپ صَلَّی اللّٰہُ  عَلَیْہِ واٰلِہٖ وَسَلَّمَ سب سے اُونچے  اور بلندمرتبےوالے ہیں۔٭ہمارے آقا و مولیٰ صَلَّی اللّٰہُ  عَلَیْہِ واٰلِہٖ وَسَلَّمَاپنے ربِّ کریم کو بہت پیارے ہیں اور ایسے دُولہا ہیں جن کےدونوں جہاں باراتی ہیں۔٭نبیوں کے سلطان،شہنشاہِ عالمیان صَلَّی اللّٰہُ  عَلَیْہِ واٰلِہٖ وَسَلَّمَ شریعت کی ایسی روشن شمع لے کر  تشریف لائے کہ اس کے آنے سے گزشتہ انبیائے کرام  عَلَیْہِمُ السَّلَام کی شریعتوں کو بجھادیا یعنی ان کو منسوخ کردیا۔٭اولیائے کرام رَحْمَۃُ اللّٰہ ِتَعَالٰی عَلَیْہم اجمعین تمام مخلوق سے افضل ہیں،انبیااوررُسُل عَلَیْہِمُ السَّلَام،اولیائے کرام رَحْمَۃُ اللّٰہ ِتَعَالٰی عَلَیْہم اجمعین سے افضل ہیں اور  ہمارے نبی،سچے نبی تمام رسولوں عَلَیْہِمُ السَّلَام سے بھی افضل ہیں۔٭انبیائے کرام عَلَیْہِمُ السَّلَام دونوں جہاں کےتاجداریعنی بادشاہ ہوتے ہیں اور ان تمام بادشاہوں کے بادشاہ ہمارے مکی مدنی آقا،دو عالم کے داتا صَلَّی اللّٰہُ  عَلَیْہِ واٰلِہٖ وَسَلَّمَ