مدد کا مکمل طریقہ کار بھی دیا گیا ہے،جس کے ذریعےآپ صدقاتِ واجبہ(مثلاًزکوٰۃ،فطرانہ،عُشر،روزوں کا فِدیہ،قَسَم کا کفّارہ،منّت وغیرہ)اور نافلہ(صدقات و خیرات وغیرہ)کے ذریعے نیکی کے کامو ں میں حصہ لے سکتے ہیں،سافٹ وئیر کی صورت میں المدینہ لائبریری بھی موجود ہے،جسے کمپیوٹر میں اِنسٹال(Install)کرکےسرچنگ آپشن(Searching Option)کی مدد سے 200 سے زائد کتب ورسائل سے فائدہ حاصل کرسکتے ہیں،اس کے علاوہ  اوقاتُ الصلوۃسافٹ وئیر کے ذریعے  مختلف ممالک اور شہروں میں،سحرواِفطار اور نماز کے اوقات بھی معلوم کر سکتے ہیں۔اللہ پاک ہمیں  دورِ جدید کی ان اِیجادات کا صحیح اِستعمال کرنے کی توفیق عطافرمائے اور ان کے غلط استعمال کے ذریعے گناہوں سے بچنے کی توفیق عطافرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                          صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!نیکیوں میں دل لگانے کی کوشش کیجئےاورکسی گُناہ کو چھوٹا سمجھ کر ہرگزنہ کیجئے، کیونکہ ایک گُناہ کئی بُرائیوں کا مجموعہ ہوتا ہے ،یعنی مزیددس(10) بُرائیاں اپنے ساتھ لاتا ہےجیسا کہ

گُناہ کے دس(10) نُقصانات

اَمِیْرُالْمُؤمنین حضرت سَیِّدُنا عمر بن خطّاب رَضِیَ اللّٰہُ تَعَالٰی عَنْہُنے فرمایا:گُناہ اگر چہ ایک ہی ہو ،اپنے ساتھ دس(10) بُری خصلتیں لے کر آتاہے(1)جب بندہ گناہ کرتاہے تواللہ کریم کو غضب دِلاتاہے،حالانکہ وہ(رَبِّ کریم) اس بندےپر (غَضَب فرمانے کی) قُدرت رکھتاہے(2)وہ(یعنی گُناہ کرنے والا) اِبلیسِ لَعِیْن(یعنی شیطان ملعون)کوخوش کرتاہے(3)جنّت سے دُورہوجاتاہے (4) جہنّم کے قریب آجاتاہے (5)وہ اپنی سب سے پیاری چیز یعنی اپنی جان کو تکلیف دیتا ہے(6)وہ اپنے دل کو ناپاک کربیٹھتا ہے،حالانکہ وہ پاک ہوتا ہے(7)وہ اعمال لکھنے والے فرشتوں کو تکلیف دیتا ہے(8) وہ نبیِ کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کو اُن کےرو ضۂ مُبارَکہ میں ناراض کرتاہے(9)زمین وآسمان اور تمام مخلوق کو(اپنی) نافرمانی پر گواہ بنا لیتاہے(10)وہ تمام انسانوں سے خیانت اور ربِّ کریم کی نافرمانی کرتاہے۔^([1])