Book Name:Bap Jannat ka Darmyani Darwaza ha
پياريون پياريون اسلامي ڀينرون!اچو! هاڻي احاديثِ مبارڪه جي روشني ۾ پيءُ جي شان ۽ پيءُ سان حُسنِ سُلوڪ ڪرڻ جي اهميت تي مشتمل 6 فرمانِ مُصطَفٰي صَلَّى الله تَعَالٰى عَلَيۡهِ وَاٰلِهٖ وَسَلَّمَ ٻڌو، جيئن
(1) ارشاد فرمايائون: پيءُ جنت جو وچون دروازو آهي، تنهنجي مرضي آهي، ان جي حفاظت ڪر يا ان کي ڇڏي ڏئي۔
(ترمذي، ڪتاب البر والصلة،باب :ماجاء من الفضل في رضا الوالدين ،۳/ ۳۵۹، حديث:۱۹۰۶)
(2) ارشاد فرمايائون: پٽ پنهنجي پيءُ جو حق ادا نٿو ڪري سگھي ايستائين جو پٽ پنهنجي پيءُ کي غلام ڏسي ۽ ان کي خريدي آزاد ڪري ڇڏي۔
(مسلم،ڪتاب العتق،باب فضل عتق الوالد،حديث:۳۷۹۹،ص۶۲۴)
(3) ارشاد فرمايائون: ربّ جي رضا پيءُ جي رضا مندي ۾ آهي ۽ ربّ جي
ناراضي پيءُ جي ناراضي ۾ آهي۔
(ترمذي، ڪتاب البر والصلة، باب ما جاء من الفضل في رضا الوالدين، ۳/۳۶۰، حديث: ۱۹۰۷)
(4) ارشاد فرمايائون: الله پاڪ جي اطاعت والد جي اطاعت ڪرڻ ۾ آهي ۽ الله پاڪ جي نافرماني والد جي نافرماني ڪرڻ ۾ آهي۔
(معجم اوسط، باب الالف، من اسمه: احمد، ۱/۶۱۴، حديث: ۲۲۵۵)
(5) ارشاد فرمايائون: جنهن پنهنجي والدين يا انهن مان ڪنهن هڪ کي ڏٺائين ۽ ان سان حسنِ سلوڪ نه ڪيائين هو الله ڪريم جي رحمت کان پري ٿيو ۽ خدا جي غضب جو مستحق ٿيو۔ (معجم ڪبير، ۱۲/۶۶، حديث: ۱۲۵۵۱)
(6) ارشاد فرمايائون: توهان مان ڪو پنهنجي پيءُ کي بلڪل گار نه ڏي۔ صحابه ڪرام رَضِىَ الله تَعَالٰى عَنْهم عرض ڪيو: يارسول الله صَلَّى الله تَعَالٰى عَلَيۡهِ وَاٰلِهٖ وَسَلَّمَ! ڪو شخص پنهنجي پيءُ کي ڪيئن گار ڏئي سگھي ٿو؟ ارشاد فرمايائون: اهو ڪنهن شخص جي پيءُ کي گار ڏيندو ته هو ان جي پيءُ کي گار ڏيندو۔
(مسلم ،ڪتاب الايمان ،باب الڪبائر واڪبرها ،حديث:۲۶۳،ص۶۰ملخصاً)
اچو! بارگاھ الٰهي ۾ دُعا ڪريون ٿون: