نگاہیں نیچی کئے خُوب کان لگا کر بَیان سُنُوںگی۔ ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گی۔ضَرورَتاً سِمَٹ سَرَک کر دوسری اسلامی بہنوں کے لئے جگہ کُشادہ کروں گی۔دھکّا وغیرہ لگا تو صبر کروں گی، گُھورنے،جِھڑکنےاوراُلجھنے سے بچوں گی۔صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والی کی دل جُوئی کے لئےپست آواز سے جواب دوں گی۔اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گی۔ دورانِ بیان موبائل کے غیر ضروری استعمال سے بچوں گی، نہ بیان ریکارڈ کروں گی نہ ہی اور کسی قسم کی آواز  کہ  اِس کی اجازت نہیں ،جو کچھ سنوں گی، اسے سن   اور سمجھ   کر اس پہ عمل کرنے اور اسے بعد میں دوسروں تک پہنچا   کر نیکی کی دعوت عام کرنے کی سعادت حاصل کروں گی۔

                                                                        صَلُّوْا عَلَی الْحَبِیْب!            صَلَّی اللّٰہُ تَعَالٰی عَلٰی مُحَمَّدٍ                                      

میٹھی میٹھی اسلامی بہنو! نَماز بہت پیاری  عبادت ہے اس کے بے شمار فضائل وبرکات  ہیں،  نماز کی برکت سے  بیماریاں دور ہوتی ہیں،نماز روزی میں برکت کا ذریعہ ہےاورعذاب ِ قبر سے بچانے کے ساتھ ساتھ اندھیری قبر کا چراغ بھی ہے  اس کے برعکس جو لوگ نماز نہیں پڑھتے ان کیلئے سخت عذابات کی وعیدیں بھی ہیں ۔آج کے ہفتہ وار اجتماع میں ہم  نماز کی اہمیت،نماز کی فضیلت اور نماز نہ پڑھنے کے عذابات کے بارے میں سنیں گی ۔آئیے! پہلے  ایک حکایت سنئے ،چنانچہ

حَضْرتِ سَیِّدُنا حاتِم اَصَمّ رَحْمَۃُ اللّٰہ ِتَعَالٰی عَلَیْہ کی نَماز:

    حضرت سَیِّدُنا حاتِم اَصَمّرَحْمَۃُ اللّٰہ ِتَعَالٰی عَلَیْہ ایک مرتبہ حَضْرتِ عاصِم بِنْ یُوسُف مُحَدِّثرَحْمَۃُ اللّٰہ ِتَعَالٰی عَلَیْہسے  مُلاقات کے لئے تَشْرِیْف لے گئے تو حَضْرتِ  عاصِم بن یُوسُف رَحْمَۃُ اللّٰہ ِتَعَالٰی عَلَیْہ نے ان سے فرمایا کہ اے حاتِم ! کیا تُم اَچّھی طَرح نَماز پڑھتے ہو؟ تو آپ نے فرمایا :جی ہاں۔تو حَضْرتِ عاصِمرَحْمَۃُ اللّٰہ ِتَعَالٰی عَلَیْہ