اِجتماعی اِعتکاف کی دعوت عام کیجئے!

میٹھے میٹھے اسلامی بھائیو!رَمَضانُ المبارَک کو نیکیوں میں گزارنے اور اِسے”خوش آمدید“ کہنے کا طریقہ یہ بھی ہے کہ ہم اِس ماہِ مبارَک میں بالخُصوص مَدَنی قافِلوں میں سَفَر کے ذریعے مسلمانوں کونیکی کی دعوت دیں،بُرائی سے منع کریں،رَمَضان المبارَک کے فضائل بتا کراُنہیں فَرْض روزے رکھنے کامَدَنی ذہن دیں،خوب خوب اِنفرادی کوشش کریں گویا ہماری اِجتماعی و اِنفرادی کوشش سے کیےجانے والے ”اِستقبالِ رمضان“کی ایسی بَرکتیں ظاہر ہوں کہ ہر طرف روزوں کی مَدَنی بہاریں آجائیں۔مَدَنی قافِلے کے جَدْوَل میں”فَیْضانِ رَمَضان“سے مَدَنی دَرْس وچوک دَرْس وغیرہ کا سِلسِلہ ہو،مکتبۃُ المدینہ کا پمفلٹ ”رَمَضان میں گناہ کرنے والے کا بھیانک انجام“گھر گھر پہچانے کی کوشش کیجئے،زہے نصیب! ہاتھوں ہاتھ اِن عاشقانِ رسول کودعوتِ اسلامی کے تحت ہونے والےپورے ماہِ رَمَضان اور آخری عَشَرے کے اِعتکاف کی دعوت کا سلسلہ بھی جاری رہے،بالخصوص عالَمی مَدَنی مرکز فَیْضانِ مدینہ بابُ المدینہ کراچی میں ہونے والے عاشِقانِ رَمَضان کے عظیمُ الشَّان”پُورے ماہِ رَمَضان کے اِعتکاف“کی دعوت بھی عام کیجئے۔

اَلْحَمْدُ لِلّٰہ عَزَّ  وَجَلَّ!عاشِقانِ رسول کی مَدَنی تحریک دعوتِ اسلامی کے تحت دُنیا کے مختلف ممالِک اور شہروں میں پُورے ماہِ رَمَضان اور آخری عَشَرے کے اِجتماعی اِعْتِکاف کی ترکیب ہوتی ہے،جس میں دعوتِ اسلامی کی  مرکزی مجلسِ شوریٰ کی طر ف سے دئیے گئے جَدْوَل کے مطابق اِعتکاف کرنے والے عاشقانِ رَمَضان کی مَدَنی تَرْبِیَت کی کوشِش کی جاتی ہے۔اَلْحَمْدُ لِلّٰہ عَزَّ  وَجَلَّ اِجتماعی اِعْتِکاف میں ہزارہا اسلامی بھائی مُعْتَکِف ہو کردیگر عبادات کے ساتھ ساتھ عِلْمِ دِین حاصِل کرتے اور سُنّتوں کی تَرْبِیَت پاتے