بعد نمازِ فَجْر مَدنی حلقے میں شِرکت اورسُنَّتوں  کی تَرْبِیَت  کیلئے عاشقانِ رسول کے  مَدَنی قافِلوں کی بَرکت سے  مَسجدوں کو آباد رکھتے ہیں۔اللہ پاک مجلس ائِمَّہ مساجد کو مزید بَرَکتیں نصیب فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

ہوجائیں مولا مسجدیں آباد سب کی سب                              سب کو نَمازی دے بنا یاربِّ مُصْطَفٰے

اَحکامِ شَرْع کا مجھے دے دے عمل کا شوق                                               پیکر خُلُوص کا بَنا یاربِّ مُصْطَفٰے

(وسائلِ بخشش مرمم،ص۱۳۱)

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!اَلْحَمْدُ لِلّٰہ عَزَّ  وَجَلَّ شَعْبَانُ الْمُعَظَّم کا بابَرکت مہینا اپنی بَرکتیں لُٹا رہا ہےپھرجلدہی رَمَضانُ الْمبارَک کی آمد ہوگی۔10رَمَضانُ المبارَک کو اُمُّ المؤمنین حضرت سَیِّدَتُنا خدیجۃُ الکُبریٰ رَضِیَ اللہُ تَعَالٰی عَنۡہَا کا عُرس بھی ہے۔آئیے!اِسی مُناسَبَت سے حُصُولِ بَرَکت اور نُزولِ رَحمت کے لئے آپ رَضِیَ اللہُ تَعَالٰی عَنْہَا کا مُخْتَصَر ذِکْرِ خَیْر سُنتے ہیں،چنانچہ

سَیِّدَتُنا خدیجۃُ الکبریٰ رَضِیَ اللہُ تَعَالٰی عَنْہَا    کا تعارف

اُمُّ المؤمنین حضرت سَیِّدَتُنا خدیجۃُ الکُبریٰ رَضِیَ اللہُ تَعَالٰی عَنْہا عامُ الْفِیْل سے 15 سال پہلے پیدا ہوئیں۔ آپ رَضِیَ اللّٰہُ تَعَالٰی عَنْہا کا نام خدیجہ،والِد کا نام خُوَیْلِد اور والِدہ کا نام فاطِمَہ ہے۔آپ کی  کُنْیَت اُمُّ الْقَاسِم اور اُمِّ ھِند ہے۔آپ کے القابات طاہِرہ،سَیِّدَہ،صِدِّیْقَہ اور”الکُبریٰ“ ہیں،آپ کا یہ آخری لَقب نام کے ساتھ اِس کثرت سےبولاجاتا ہےکہ گویا نام ہی کا حِصَّہ ہو۔آپ نے عَورَتوں میں سب  سے پہلے اِسلام قَبول کیا،آپ خاتونِ جنّت حضرت فاطمۃُ الزہراءرَضِیَ اللہُ تَعَالٰی عَنۡہَا کی والِدۂ ماجِدہ اور نوجوانانِ جنّت کے