ہیں،کئی مُعْتَکِفِیْن اِختِتامِ رَمَضَانُ الْمُبارَک پر چاند رات ہی سے عاشِقانِ رسول کے ساتھ سُنّتوں کی تَرْبِیَت کے مَدَنی قافِلوں کے مسافِر بن جاتے ہیں۔اَلْحَمْدُ لِلّٰہ عَزَّ  وَجَلَّکئی عاشقانِ رَمَضان،اِس اِعتکاف کی بَرکتوں اورمَدَنی بہاروں کومزید سمیٹنے کے لیے ہاتھوں ہاتھ مَدَنی قافِلوں میں سفر کرنے کے ساتھ ساتھ مختلف مدنی کورسِز(Courses)مَثَلاً(12مَدَنی کام کورْس،اِصلاحِ اَعمال کورْس،فَیضانِ نماز کورْس،اِمامت کورْس،مدنی تربیتی کورس وغیرہ)کرنے کی بھی سَعادت حاصِل کرتے ہیں۔

جَلوۂ یار کی آرزو ہے اگر               مَدَنی ماحول میں کرلو تم اِعْتِکاف

میٹھے آقا کریں گے کرم کی نظر          مَدَنی ماحول میں کرلو تم اِعْتِکاف

نیکیوں کا تمھیں خوب جذبہ ملے          مَدَنی ماحول میں کرلو تم اِعْتِکاف

عمر آیندہ گزرے گی سُنّت بھری        مَدَنی ماحول میں کرلو تم اِعْتِکاف

(وسائلِ بخشش مرمم،ص۶۳۹)

صَلُّوْا عَلَی الْحَبِیْب!                          صَلَّی اللّٰہُ تَعَالٰی عَلٰی مُحَمَّد

مجلسِ اَئِمَّۂ مساجد

میٹھےمیٹھےاسلامی بھائیو!عاشِقانِ رسول کی مَدَنی تحریک دعوتِ اسلامی 104شعبہ جات میں نیکی کی دعوت کی دُھومیں مچارہی ہے،اِنہی میں سے ایک شعبہ’’مجلس ِاَئِمَّۂ  مساجد‘‘ بھی ہے، جو  مَساجد کی آبادکاری کے لئے ائمَّہ ومُؤذِّنین کی تَقرُّرِی کا کام سَراَنْجام دیتی ہےاوران کی خَیْرخَواہی کرتے ہوئے مناسب مُشاہرے بھی مُقَرَّر کرتی ہے،تاکہ ائمہ کرام مُعاشی پریشانیوں سے آزادہوکر خُوب خُوب نیکی کی دعوت عام کرتے رہیں۔اَلْحَمْدُ لِلّٰہ عَزَّ  وَجَلَّ دعوتِ اسلامی کے  مَدَنی ماحول سے وابستہ اَئِمَّۂ  کرام،صدائے مدینہ،اِنْفِرادی کوشش کے ذَریعے نمازِ باجماعت کی طرف رَغْبت، مَدَنی درس،چوک درس،