۱/۲۵۵، الجزء الاول،حدیث:۲۲۳۶)

میٹھے میٹھے اسلامی بھائیو!قیامت کےدن کے بارے میں  سُورۃُالْمَعارِج کی آیت نمبر 4میں  ارشادہوتا ہے: کَانَ مِقْدَارُہُ خَمْسِیْنَ اَلْفَ سَنَۃٍ ترجمۂ کنزالایمان:جس کی مقدارپچاس ہزاربرس ہے۔

  اس دن سُورج آگ برسارہا ہوگاتانبے کی دَہَکتْی ہوئی زَمین ہوگی،ہر ایک اپنے پسینے میں  نہا رہا ہوگا، شِدَّتِ پیاس سے زبانیں  سوکھ کر کانٹا ہوجائیں  گی ۔ نَفْسِی نَفْسِی کاعالَم ہوگا اوراس کڑے وَقت میں  کوئی حال پوچھنےوالا نہ ہوگا۔

پارہ30سورۂ عَبَسَ کی آیت 34تا36 میں  ارشاد ہوتاہے :

یَوْمَ یَفِرُّ الْمَرْءُ مِنْ اَخِیْهِۙ(۳۴)وَ اُمِّهٖ وَ اَبِیْهِۙ(۳۵)وَ صَاحِبَتِهٖ وَ بَنِیْهِؕ(۳۶)

ترجمۂ کنزالایمان:اس دن آدمی بھاگے گا اپنے بھائی اور ماں  اور باپ اور جورُو(بیوی) اور بیٹوں  سے۔

ایسے کڑے حالات میں جب کوئی پُرسانِ حال نہ ہوگا،تمام اَنبیائے کرام عَلَیْھِمُ السَّلام کی طرف سے بھیاِذْھَبُوْااِلٰی غَیْرِیْ(کسی اورکے پاس جاؤ) کاجَواب ملے گا، ایسے حالات میں ایک ہی ہَسْتی ہوگی جوہم گُناہ گاروں  کی نااُمیدی کو اُمید میں  بَدل دے گی ،ہماری ٹُوٹی  ہوئی اُمیدوں  کا سَہارا (Support)ہوگی ، جس کے لَبوں  پر اَنَالَھَا(شَفاعَت کے لئے میں  ہوں ) کی صدائیں  ہوں گی  ، جی ہاں !وہ مُبارک ہَسْتی ہمارے پیارےآقاصَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی ذاتِ گرامی ہوگی، جوبارگاہِ الٰہیعَزَّ  وَجَلَّمیں سجدہ ریز ہوکر اپنے گنہگا راُمتیوں کی شفاعت کریں گے۔

حضرت سَیِّدُنا رُوَیفَع بن ثابِت رَضِیَ اللہُ تَعَالٰی عَنْہُسے روایت ہے کہ نور کے پیکر،تمام نبیوں  کے سَرْوَر صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنےارشادفرمایا: ’’جس شخص نے یہ دُرُود شریف پڑھا:’’اَللّٰھُمَّ صَلِّ عَلٰی مُحَمَّدٍ وَّاَنْزِلْہُ الْمَقْعَدَ الْمُقَرَّبَ عِنْدَکَ یَوْمَ الْقِیَامَۃ‘‘تو اس کیلئے میری شفاعت واجب ہوگئی ۔‘‘ (معجم