میٹھے میٹھے اسلامی بھائیو! درودِ پاک پڑھنا ایک نہایت عظیمُ الشّان عمل ہے ،اس کے بے شُمار فوائدایک ہی  نشست میں بیان  کرنا  مشکل ہے ۔آئیے !حصولِ برکت اور نزولِ رحمت کے لئے درود پاک کے چند دُنیوی ا وراُخروی فوائد سنتے ہیں:

دلوں کی صفائی ہوتی ہے :

درودپاک  پڑھنے کا  ایک فائدہ یہ ہے کہ اس کی برکت سے دلوں  کی صفائی ہوتی ہے ۔افسوس آج  ہمارے دل  گناہوں  سے آلودہ  ہوکر ایسے سخت ہو چکے ہیں کہ نصیحت کی کوئی بات اس پر اثر نہیں کرتی خدانخواستہ گناہوں کی یہ عادت مرتے دم تک قائم رہی تو     کل قیامت میں ہم اللہ عَزَّ  وَجَلَّ  اور اس کے حبیب صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو کیا منہ دکھائیں گے، لہٰذا گناہوں سے توبہ کیجئے اور دلوں کی صفائی  کیلئے  درودِ پاک کی عادت بنائیے کہ  فرمانِ مصطفے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَہے : ہر چیز کے لیے طہارت اور غُسل ہےاور مومنوں  کے دِلوں  کے  زنگ کی صفائی مجھ پر  دُرُود پڑھنا ہے ۔‘‘(القول البدیع، الباب الثانی فی ثواب الصلاۃ والسلام علی رسول اللّٰہ،ص ۲۸۱ )

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّد

روزی میں برکت  ہوتی ہے :

درودِپاک  پڑھنے کا  ایک فائدہ یہ بھی ہے  کہ اس کی برکت سے رِزق میں برکت  ہوتی ہے،آج ہمارے معاشرے میں تنگدستی اور بے روزگاری  عام ہے،ہر ایک معاشی  مسائل  کے حل کیلئے مختلف