کبیر،رویفع بن ثابت الانصاری،۵  / ۲۶،حدیث :۴۴۸۰ )

      میٹھے میٹھے اسلامی بھائیو!سُنا آپ نے درودِ پاک  کس قدر مختصر اور عظیمُ الشان عمل ہے  مگر اس کی جزا کتنی  عمدہ کہ اس کی برکت سے حضورِ انور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی شفاعت واجب ہوتی ہے،لہٰذا شفاعتِ مُصْطَفٰے کا حقدار بننے کے لئے درودِ پاک کی کثرت کیجئے ۔اَلْحَمْدُ لِلّٰہ عَزَّ  وَجَلَّ دعوتِ اسلامی کے مدنی ماحول میں مختلف مواقع پر  درودِ پاک کی ترغیب دلائی جاتی ہے اور درود شریف پڑھنا تو مدنی انعامات میں بھی شَامل ہے، چنانچہ مدنی انعام نمبر 5 میں ہے: کیا آج آپ نے اپنے شجرے کے کچھ نہ کچھ اَوراد اور کم ازکم 313 بار درود شریف پڑھ لئے؟ اسی طرح مدنی انعام نمبر 49 میں فضول بات نکل  جانے کی صورت میں نادِم ہوکر درود شریف پڑھنے کی ترغیب موجود ہے ۔لہٰذا درودِ پاک کی عادت بنانے کیلئے مدنی انعامات پر عمل کیجئے،درودوسلام کے فضائل پڑھتے رہیے اورنہ پڑھنے کی وعیدیں بھی ذہن نشین رکھئے ،ہمیشہ اپنے پاس ایک عدد تسبیح ضرور رکھئے،جس کے ذریعے روزانہ ایک مخصوص تعداد میں درود شریف  پڑھتے رہیے،اس کے علاوہ فارغ وقت میں  بھی فضول باتوں میں مشغول رہنے کے بجائے ذکرودرود کی عادت بنائیے۔ان تمام اچھی عادتوں کو اپنانے کیلئے دعوتِ اسلامی کےمدنی  ماحول سے وابستہ  ہوکر اس کے شعبہ جات میں اپنی خدمات سرانجام دِیجئے اوردُنیا وآخرت کی برکتوں سے حصّہ لیجئے ۔

مجلس مکتوبات و تعویذاتِ عطاریہ:

      اَلْحَمْدُ لِلّٰہ عَزَّ  وَجَلَّدعوتِ  اسلامی کے کم و بیش103 شعبہ جات  میں سےایک شعبہ" مجلس مکتوبات و تعویذاتِ عطاریہ" بھی ہے۔یہ مجلس بذریعہ مکتوب دُکھیارےمسلمانوں کی غم خواری اورتعویذاتِ عطاریہ اوراَوراد و وظائف کے ذَرِیعے بیماریوں اور پریشانیوں کا فیِ سَبِیْلِ اللہ رُوحانی عِلاج کرتی  ہے۔