Share this link via
دعا قبول ٿيڻ جا واقعا
اَيُّهَاالْمُصَلِّيۡ يعني اي نمازي تو جلدي ڪئي،(پوءِ دُعا جو طريقو بيان ڪندي ارشاد فرمايائون) جڏهن تون نماز پڙهي ڪري ويهين ته پهريان الله تعاليٰ جي اهڙي حمد ڪر جيڪا ان جي لائق آهي، پوءِ مون تي دُرُودِ پاڪ پڙھ ۽ ان کان پوءِ دُعا گھر۔ راوي جو بيان آهي ته ان کان پوءِ هڪ ٻئي شخص نماز پڙھي، پوءِ الله عَزَّوَجَلَّ جي حمد بيان ڪئي ۽ نبي صَلَّى اللهُ تَعَالٰى عَلَيْهِ وَاٰلِهٖ وَسَلَّم تي دُرُودِپاڪ پڙھيو ته نبي صَلَّى اللهُ تَعَالٰى عَلَيْهِ وَاٰلِهٖ وَسَلَّم جن ارشادفرمايو: اَيُّهَا الْمُصَلِّي اُدْعُ تُجَبْ، اي نمازي! تون دُعا گھر، قبول ڪئي ويندي۔([1])
مٺا مٺا اسلامي ڀائرو! هن حديث شريف مان معلوم ٿيو ته جيڪڏهن دُعا گھرڻ وارو قَبُوليت جو طالب آهي ته ان کي گھرجي ته دُعا جي شروع ۾ الله عَزَّوَجَلَّ جي حمد ۽ ساراھ به ڪري ۽ نبي ڪريم، رَؤفٌ رَّحيم صَلَّى اللهُ تَعَالٰى عَلَيْهِ وَاٰلِهٖ وَسَلَّم تي دُرُودِپاڪ به پڙھي بلڪ آخر ۾ به حمد ۽ دُرود پڙھڻ گھرجي جيئن ته دعوتِ اسلامي جي اِشاعتي اِداري مڪتبة المدينه جي شايع ٿيل 318 صفحن تي مشتمل ڪتاب ”فضائلِ دُعا“ صفحي 68 تي اعليٰ حضرت جا والد، حضرتِ علّامه مولانا نقي علي خان رَحْمَة اللّٰه ِتَعَالٰي عَلَيه دُعا جا آداب بيان ڪندي اِرشاد فرمائن ٿا: دُعا جي لاءِ اوّل ۽ آخر حمدِ اِلٰهي ادا ڪري ڇوته الله عَزَّوَجَلَّ کان وڌيڪ ڪو پنهنجي حمد کي دوست رکڻ وارو ناهي، ٿوري حمد تي گھڻو راضي ٿئي ٿو ۽ بي شمار عطا فرمائي ٿو،
وڌيڪ فرمائن ٿا ته اَوَّل ۽ آخر نبي صَلَّى اللهُ تَعَالٰى عَلَيْهِ وَاٰلِهٖ وَسَلَّم ۽ سندن آل ۽ اَصحاب تي دُرُود موڪلي ڇوته دُرُود الله تعاليٰ جي بارگاھ ۾ مَقبول آهي ۽ الله تعاليٰ جي ڪرم کان بعيد آهي ته دُعا جي اَوَّل ۽ آخر کي قبول فرمائي ۽ دَرميان کي رَد ڪري ڇڏي۔ (فضائلِ دُعا،ص۶۸ملخصاً )
BOOK TOPIC
- دُرُودِپاڪ جي فضيلت
- ٻه مدني گُل
- بيان ٻڌڻ جون نيّتون
- دُرُودِ پاڪ جي برڪت سان دعا جو قبول ٿيڻ
- زمين ۽ آسمان جي وچ ۾ دُعا جو رڪجڻ
- ڪتاب”فضائلِ دُعا“ جو تعارف
- نيڪ عملن جي وسيلي سان ڪيل دُعا جي برڪت
- نيڪ عملن جي وسيلي سان دُعا
- ظالم حاڪم کان نجات
- دل سان گهرندڙ دعا اثر رکي ٿي
- نابين کي اکيون ملي ويون
- 12 مدني ڪمن مان هڪ مدني ڪم ”هفتيوار سُنتن ڀريو اجتماع“
- اجتماعي دُعا ۾ توبھ جي توفيق مل وئي
- نيڪ ٻانهي جي دُعا تي آمين چوڻ جي برڪت
- ماءُ پيءُ استاد ۽ تمام مسلمانن جي لاءِ دُعا جي اهميت
- آفيسرن وٽ ته هر هر ڌڪا کائيندا آهيو پر
- مجلسِ تَوقيت جو تعارف
- بيان جو خلاصو
- هٿ ملائڻ بابت سنتون ۽ آداب
- دعوتِ اسلامي جي هفتيوار سنتن ڀري اِجتِماع ۾ پڙهيا ويندڙ درود شريف
