چاہیے کہ کِس کو صَدَقہ دِیا جائے اور کِس کو نہیں ،بد قسمتی سے  آج کل معاشرے میں مُسْتَحِـقِّیْن اور حاجَت مَنْد فُـقَراء کو ڈھونڈنا بہت مُشکل ہو گیا ہے، کیونکہ بہت سے ایسے اَفْراد بھی دیکھے جاتے ہیں جو بالکل صِحَّت مَنْد اور تَنْدُرُسْت ہوتے ہیں، مگر اپنے آپ کو غریب و نادار اور ضرورت مَنْد کہہ کر دست ِسُوال دراز کرتے ہوئے ذرا نہیں شرماتے ۔لہٰذا اِس مُعاملے میں بہت اِحْتیاط کی حاجت ہے کہ جو واقعی سفید پوش حاجَت مَنْد ہو یا کمانے پر قُدرت نہ رکھتا ہو،ایسوں کو ہی دِیا جائے،پیشہ ور بھکاریوں کو ہرگز ہرگز نہ دِیا جائے ورنہ کہیں ایسا نہ ہو کہ ثواب کے بجائے ہمارے نامَۂ اَعْمال میں گُناہ لکھ دِیا جائے ۔جیساکہ اعلیٰ حضرت،اِمامِ اَہلسنّت،مولانا شاہ امام اَحمد رَضا خان عَلَیْہِ رَحْمَۃُ الرَّحْمٰن  کے فرمان کا خُلاصہ ہے: جن کو سُوال کرنا حلال نہیں، ایسوں کے سُوال پر اُن کا حال جان کر اُنہیں کچھ دینا کوئی کارِ ثواب نہیں بلکہ ناجائز و گُناہ اورگُناہ میں مَدَد کرنا ہے۔ (مُلَخَّصًاًفتاوٰی رضویہ مُخرَّجہ ج10ص303)

سرکارِ مدینہ ، سُلطانِ باقرینہ ، قرارِ قلب وسینہ ، باعثِ نزولِ سکینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا فرمانِ باقرینہ ہے: جو شَخْص  لوگوں سے سُوال کرے، حالانکہ نہ اُسے فاقہ پہنچا، نہ اتنے بال بچّے ہیں، جن کی طاقت نہیں رکھتا تو قِیامت کے دن اِس طرح آئے گا کہ اُس کے مُنہ پر گوشت نہ ہو گا۔ (شُعَبُ الْاِیْمَان لِلْبَیْہَقِیّ ج3 ص 274حديث 3526)

بہرحال زکوٰۃ ،صَدَقہ و خَیْرات دینے سے پہلے خُوب خُوب غور کرلینا چاہئے اور کیا ہی اچھا ہو کہ غریبوں ،مسکینوں ،یتیموں ،بیواؤں، حاجَت مَنْدوں اور رِشتہ داروں کے ساتھ ساتھ ہم اپنے صَدَقات ومدنی  عَطِیّات نیکی کے کاموں ،مَسَاجِد و مَدارِس کی تَعْمِیْر و تَرَقّی نیز دِیْنِ اِسْلام کی سربُلندی اور عِلْمِ دِیْن کے فَروغ کی خاطِر عِلْمِ دِیْن حاصِل کرنے والےطلبہ و طَالِبات کے لئے دعوتِ اسلامی کو دے کر اپنی آخرت کا سامان کریں ۔یاد رہے کہ عام حاجَت مَنْدوں کے مُقابلے میں دِین کی خاطِر اپنے گھربار چھوڑ کر مَدارِس میں قِیام پذیر ضرورت مندطلبہ کی ضروریات پوری کرنا اور اُن کی مالی خِدمت کرنا زِیادہ بہتر ہے۔چُنانچہ