کہ اکثر صُورَتوں میں دَسواں حِصّہ فرض ہے، اگرچہ بعض صُورَتوں میں نِصْف عُشْر یعنی بیسواں حصّہ لِیا جائے گا۔(بہارِ شریعت ،حصّہ ۵،ص۹۱۳)

لہٰذا اَیَّامِ عُشْر میں ہفتہ وار اور دیگر اِجْتماعات میں راہِ خدا میں خَرْچ کرنے کے فضائل بیان کر کے دعوتِ اسلامی کو عُشْر دینے اور جمع کرنے کی ترغیب دِلائی جاتی ہے، نیز نُمایاں جگہوں  پر بینر بھی آویزاں کئے جاتے ہیں۔

اللہ کرم ایسا کرے تجھ پہ جہاں میں

اے دعوتِ اسلامی تری دھوم مچی ہو

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

بارہ (12)مدنی کام کیجئے!

میٹھے میٹھے اسلامی بھائیو!آپ سے بھی  مَدنی اِلْتِجا ہے کہ دعوت ِ اسلامی کے مدنی ماحول سے وابستہ رہئے اور نیکی کے کاموں میں مزید تَرقّی کے لئے دعوتِ اسلامی کے بارہ(12)مدنی کاموں میں بڑھ چڑھ کر حصہ لیجئے۔ان 12 مدنی کاموں میں سے ایک  مدنی کام یومِ تَعْطِیْل اِعْتِـکاف بھی ہے،اس مدنی کام میں شہر وڈویژن کے کمزورعَلاقوں یا وہ اطراف(گاؤں/دیہات/گوٹھ)جہاں ابھی مدنی کام شروع نہیں ہوایاوہاں مزید مدنی کام مضبوط کرنے کی ضرورت ہے،چھٹی کے دن،وقت مخصوص کرکے وہاں کےمقامی اسلامی بھائیوں پر اِنفرادی کوشش کرکے اِن کو مدنی ماحول سے وابستہ ہوکردعوتِ اسلامی کے مدنی کاموں میں عملی طورپرشامل ہونے کی ترغیب دِلانے کی کوشش کی جاتی ہے۔

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

اَلْحَمْدُ لِلّٰہ عَزَّ  وَجَلَّ!آج کے پُر فِتَن دَور میں تبلیغِ قرآن و سُنّت کی عالمگیر غیرسیاسی تحریک ”دعوتِ اسلامی“سُنّتوں بھرا پاکیزہ مدنی ماحول مُہیّا کر رہی ہے۔ لہٰذا آپ بھی دعوتِ اسلامی کے خُوشگوار مدنی