عَلَيْهِ مُحَمَّدٌ رَّسُوْلُ اللهِ سُهَيْلَ بْنَ عَمْرٍو یعنی یہ وہ شَرائط ہیں جن پر اللہ عَزَّ  وَجَلَّ  کے رَسُوْل حضرت محمد صَلَّی اللّٰہُ تَعَالٰی عَلَیْہِ واٰلہٖ وَسَلَّمَ  کی سُہَیْل بن عَمْرو کے ساتھ صُلْح ہوچکی ہے۔ اس پر بھی سُہِیْل کہنے لگا کہ رَسُوْلُ اللہ کے اَلْفاظ نہ لکھئے کیونکہ اگر ہمیں آپ کی رِسالت پر یقین ہوتا تو پھر ہمارے اور آپ کے دَرْمیان کوئی جھگڑا ہی نہ ہوتا، آپ ایسا کیجئے کہ اس کے بَجائے صِرْف اپنا اور اپنے والد کا نام  لکھ دیجئے۔ رَسُولِ اَکْرم، نُورِ مُجسّم صَلَّی اللّٰہُ تَعَالٰی عَلَیْہِ واٰلہٖ وَسَلَّمَ  نے اس کی یہ بات بھی قَبول فرمائی اور حَضْرتِ علی رَضِیَ اللّٰہُ تَعَالٰی عَنْہُ   سے فرمایا کہ رَسُوْلُ اللہ کے اَلْفَاظ مِٹا دو۔ لیکن  قُربان جایئے حَضْرتِ علی رَضِیَ اللّٰہُ تَعَالٰی عَنْہُ  کے عشْقِ رسول پر کہ عرض کرنے لگے یارَسُوْلَ اللہ میں آپ کے نامِ مُبارَک کو ہرگز نہیں مِٹا سکتا۔  بالآخر نبیِ کریم، رؤفٌ رَّحیم صَلَّی اللّٰہُ تَعَالٰی عَلَیْہِ واٰلہٖ وَسَلَّمَ  نے خُود ہی رَسُوْلُ اللہ کی جگہ محمّدبن عبدُاللہ لکھ دیا۔^([1])

آنکھوں کا تارا نامِ محمد                                                                      دل کا اُجالا نامِ محمد

پوچھے گا مولا لایا ہے کیا کیا     میں یہ کہوں گا نامِ محمد

اپنے رضا کے قربان جاؤں       جس نے سکھایا نامِ محمد

اپنے جمیلِ رضوی کے دل میں   آ جا سما جا نامِ محمد

صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّدٍ

میٹھے میٹھے اسلامی بھائیو!اس واقعے کو سُن کرکسی کے ذِہْن میں یہ وَسْوَسہ پیدا ہوسکتا ہے کہ اَلْاَمْرُ فَوْق الْاَدَب یعنی حکم اَدَب پر بھی فَوقیت رکھتا ہے، تو حضرتِ سَیِّدُناعَلیُّ الْمُرتضیٰ  کَرَّمَ اللّٰہُ تَعَالٰی وَجْہَہُ الْکَرِیْم نےمَعَاذَاللہ عَزَّ  وَجَلَّسرکارصَلَّی اللّٰہُ تَعَالٰی عَلَیْہِ واٰلہٖ وَسَلَّمَ  کے حکم کی تَعْمِیْل نہیں کی اور  نامِ اَقْدس مِٹانے سے انکار کردیا ۔ایساہرگز نہیں بلکہ صَحابۂ  کرام عَلَیْہِمُ الرِّضْوَان  کے بارے میں ایسا سوچنا بھی گُستاخی  وبے اَدَبی