جس شخص کی آنکھوں سے خوفِ خدا کے سبب آنسو جاریہوجائیں اور اس کے قَطْرے زمین پر گِریں تو جہنّم کی آگ اسےکبھی نہیں چُھوئے گی۔
دُنیا میٹھی اور سَرسَبز ہے،جس نے اس میں سے حَلال طَریقے سے کمایا اور اُسے ثواب کے کام میں خرچ کیااللہپاک اُسے ثواب عطا فرمائے گا اور اپنی جَنّت میں داخل فرمائے گا۔
ارشادِ حضرت سیِّدُنا عبداللہ بن مسعود رضی اللہ عنہ: میں اس بات کو ناپسند کرتا ہوں کہ کسی شخص کو فارغ دیکھوں جو نہ تو دُنیا کے کسی کام میں مصروف ہواور نہ ہی آخِرت کی تیاری کررہا ہو۔(حلیۃ الاولیاء،ج1،ص178،رقم:402)
خدمت میں، دینے میں باپ پر ماں کو ترجیح دے مثلاً سو روپے ہیں اور کوئی خاص وجہ مانعِ تفضیلِ مادر(ماں کو ترجیح دینے میں رکاوٹ بننے والی کوئی خاص وجہ)نہیں توباپ کو پچّیس دے ماں کو پچھتّر، یا ماں باپ دونوں نے ایک ساتھ پانی مانگا تو پہلے ماں کو پلائے
جسے عام لوگ نَحْس(منحوس) سمجھ رہے ہیں اس سے بچنا مناسب ہے کہ اگر حسبِ تقدیر اُسے کوئی آفت پہنچے اُن کا باطل عقیدہ اور مُسْتحکم ہوگا کہ دیکھویہ کام کیا تھا اس کا یہ نتیجہ ہوا اور ممکن کہ شیطان اِس کے دل میں بھی وسوسہ ڈالے۔(فتاویٰ رضویہ ،ج23،ص267)
ارشادِ حضرت سیّدُنا علّامہ نجم ُالدین غَزِّی شافعی رحمۃ اللہ علیہ: جس شخص کا علم زیادہ ہو اس کا عمل بھی زیادہ ہوتا ہے اور اس کی (عملی) حالت اچھی ہوتی ہے، اگر ایسا نہ ہو تو پھر اس کا علم شمار کے قابل اور توجہ کے لائق نہیں ہے۔(حسن التنبہ،ج1،ص19)
