خُدایا بُرے خاتمے سے بچانا                                                                      پڑھوں کلمہ جب نکلے دَم یااِلٰہی

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

(2):تکلیف مت دیجئے!

پیارے اسلامی بھائیو!ہم نے کھائی والوں کا واقعہ سُنا،اس قرآنی واقعہ سے ایک اور اَہَم بات جو ہمیں سیکھنے کو ملتی ہے،وہ اللہ پاک نے قرآنِ کریم ہی میں ذِکْر فرمائی ہے:

اِنَّ الَّذِیْنَ فَتَنُوا الْمُؤْمِنِیْنَ وَ الْمُؤْمِنٰتِ ثُمَّ لَمْ یَتُوْبُوْا فَلَهُمْ عَذَابُ جَهَنَّمَ وَ لَهُمْ عَذَابُ الْحَرِیْقِؕ(۱۰) (پارہ:30، اَلْبُرُوج:10)

ترجمہ کنزُ العِرْفان:بے شک جنہوں نے مسلمان مردوں اور مسلمان عورتوں کو آزمائش میں مبتلا کیا پھر توبہ نہ کی ان کے لئے جہنم کا عذاب ہے اور ان کے لئے آگ کا عذاب ہے۔

معلوم ہوا؛ مسلمان کو تکلیف پہنچانا بہت سخت گُنَاہ اور خوفناک جُرْم ہے،اس کی سزا بہت خطرناک ہے۔ دیکھئے! بادشاہ جو خُدائی کا دعویٰ کرتا تھا، اس نے مسلمانوں کو ناحق تکلیف پہنچائی، انہیں آگ میں جلایا، اس کا نتیجہ کیا نکلا...؟اللہ پاک کا قہر و غضب جوش پر آیا اور بادشاہ اور اس کے سپاہی اپنی ہی جلائی ہوئی آگ میں جل کر راکھ ہو گئے۔

اَلْاَمَان وَالْحَفِیظ!اللہ پاک ہمیں ایسے خطرناک جرم اور ایسی خوفناک سزا سے محفوظ فرمائے۔

حقوق العباد! آہ! ہو گا مرا کیا؟                                                                  کرم مجھ پہ کر دے کرم یااِلٰہی!

مجھے نارِ دوزخ سے ڈر لگ رہا ہے                                       ہو مجھ ناتُواں پر کرم یااِلٰہی!

 اے عاشقانِ رسول!بہت افسوس کی بات ہے کہ آج کل مسلمانوں کو تکلیف پہنچانے