اور سب سے پہلے بیانات کی آڈیو کیسٹیں جاری کی گئیں۔ اَلْحَمْدُ لِلّٰہ عَزَّ  وَجَلَّ مکتبۃُ المدینہ نے اِس مُخْتَصَر سےعَرصے میں جو تَرقّی کی وہ اپنی مثال آپ ہے۔اِس مُخْتَصَر عرصے میں مکتبۃُ المدینہ سے جہاں سُنّتوں بھرے بیانات اور میموری کارڈز دُنیا بھر میں پہنچ رہے ہيں، وہیں سَرکارِ اعلیٰ حضرت رَحْمَۃُ اللّٰہ ِتَعَالٰی عَلَیْہ ،امیرِ اَہلسُنَّت دَامَتْ بَرَکَاتُہُمُ الْعَالِیَہ اور اَلْمَدِیْنَۃُ الْعِلْمِیَّۃ کی کتابیں بھی زیورِ طَبْع سے آراستہ ہو کر لاکھوں کی تعداد میں عوام کے ہاتھوں میں پہنچ کر سُنَّتوں کے پُھول کھلا رہی ہیں۔

اللہ کرم ایسا کرے تُجھ پہ جہاں میں                 اے دعوتِ اسلامی تِری دُھوم مچی ہو!

(وسائلِ بخشش مرمم،ص۳۱۵)

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو!اَلْحَمْدُ لِلّٰہ عَزَّ  وَجَلَّ رَبِیْعُ الْاَوَّل کا نُورانی مہینا اپنی بَرَکتیں لُٹارہا ہے اور اپنے اِخْتِتَام کی جانِب رَواں دَواں ہے۔اِس کے بعد رَبِیْعُ الْآخِر کامُبارَک مہینا جَلْوَہ گَر ہونے والا ہے،جسے قُطبِ رَبّانی ،مَحبوبِ سُبحانی،پِیرِ لاثانی شَیْخ عَبْدُالقادِرجِیلانیرَحْمَۃُ اللّٰہ ِتَعَالٰی عَلَیْہ سے خاص نِسْبَت حاصِل ہے۔اللہ عَزَّ  وَجَلَّ نے آپ رَحْمَۃُ اللّٰہ ِتَعَالٰی عَلَیْہ کو جہاں دیگر کئی خُوبیوں سے نوازا تھا وہیں یہ بے مثال خُوبی بھی آپ رَحْمَۃُ اللّٰہ ِتَعَالٰی عَلَیْہ کےوُجودِ مَسعود کا حِصَّہ تھی کہ آپ رَحْمَۃُ اللّٰہ ِتَعَالٰی عَلَیْہ  سادات کِرام  کے  گھرانے سےتَعَلُّق رکھنے والےحَسَنِی و حُسَیْنِی سَیِّد تھے۔آئیے!آپ رَحْمَۃُ اللّٰہ ِتَعَالٰی عَلَیْہ کا مُخْتَصَر تَذکِرۂ خَیر سماعت فرمایئےچُنانچہ

غَوْثِ پاک کا نام و نَسَب

حضرت سَیِّدُنا غَوْثِ اعْظَمْ شَیْخ عَـبْدُ القَادِر جِیلانیرَحْمَۃُ اللّٰہ ِتَعَالٰی عَلَیْہ  کی وِلادتِ باسَعَادَت یَکَمْ رَمَضَان ۴۷۰؁ھ جُمُعَةُ الْمُبَارَک کو جِیْلَان میں ہوئی۔آپ رَحْمَۃُ اللّٰہ ِتَعَالٰی عَلَیْہ  کی کُنْیَتْ ابُومحّمد ہے اور مُـحِیُّ  الدِّیْن، مَحْبُوبِ سُبْحانی،غَوْثِ اَعْظَم،غَوثِ ثَقَلَیْن وغیرہ آپ رَحْمَۃُ اللّٰہ ِتَعَالٰی عَلَیْہ کے اَلْقَابات ہیں۔آپ رَحْمَۃُ اللّٰہ ِ تَعَالٰی عَلَیْہ  کے والدِ بُزُرْگَوارکا نام حضرت سَیِّدُنا