اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہ مِنَ الشَّیْطٰنِ الرَّجِیْمِ  بِسْمِ اللہ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                        وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                       وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف

ساتواں  پارہ

پیارے اسلامی بھائیو!   ساتَوَاں پارہ سُورۂ مائدہ اور سُورۂ اَنْعام پر مشتمل ہے، سُورۂ مائدہ چھٹے پارے سے شروع ہوئی تھی، ساتواں پارے کے چھٹے رکوع پر مکمل ہوئی، اس سے آگے سُورۂ اَنْعام شروع ہوتی ہے۔

صحابۂ کرام  کی خوبصُورت تمنّا

ساتویں پارے کی ابتدا ہی میں صحابۂ کرام  علیہم الرّضوان   کا بہت خوبصُورت واقعہ بیان ہوا؛ حضرت نجاشی  رحمۃُ اللہ علیہ  جو حبشہ کے بادشاہ تھے، انہوں نے پیارے آقا، مکی مدنی مصطفےٰ  صَلَّی اللہ عَلَیْہِ وَ آلِہٖ وَسَلَّم  کا مبارَک زمانہ پایا، کلمہ بھی پڑھا، خِدْمت بھی کی مگر زیارت کا شرف نہ پا سکے۔ ایک مرتبہ حضرت نجاشی  رحمۃُ اللہ علیہ  نے 70 افراد کا قافلہ بارگاہِ رسالت میں بھیجا تھا، ان 70 افراد نے جب پیارےمحبوب  صَلَّی اللہ عَلَیْہِ وَ آلِہٖ وَسَلَّم  کی تلاوتِ قرآن سُنی تو زار و قطار رونے لگے اور کلمہ پڑھ کر مسلمان ہو گئے۔ ^([1])   

اس جگہ ان کی ایک خوبصُورت تمنّا کا ذِکْر ہے، انہوں نے کہا: