Ramazan Ki Amad Marhaba

Al Quran Books Madani Channel

Magazine Courses Media

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ⁽^{^[1]}⁾ اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے!مثلاً نیت کیجئے! *عِلْم سیکھنے کے لئے پورا بیان سُنوں گا * با اَدب بیٹھوں گا *دورانِ بیان سُستی سے بچوں گا *اپنی اِصْلاح کے لئے بیان سُنوں گا *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبِیْب! صَلَّی اللہُ عَلٰی مُحَمَّد

اے عاشقانِ رَمَضان! اسلامی مہینوں میں رَمَضانُ المبارَک کو جو اَہَمِّیَّت و فضیلت حاصِل ہے وہ کسی بھی عقلمند سے ڈَھکی چُھپی نہیں،یہی وہ عظیمُ الشَّان مہینا ہے،جس کاعاشقانِ رَمَضان کو پُورا سال اِنتظار رہتاہے۔اِس مبارَک مہینے کے آتے ہی مسلمانوں میں خوشی کی لہر دوڑجاتی ہے، مسلمانوں میں عبادت کا ذَوق و شَوق پہلے سے بڑھ جاتا اور گناہوں کا زور کَم ہوجاتاہے، مسجدیں آباد ہوجاتی ہیں،سَحَری و اِفطاری کی رونقیں دیکھ کر دل باغ باغ ہوجاتا ہے،خوش نصیب مسلمان ربِّ کریم کا کلام،قرآنِ کریم سُنّنے اور سُنّت کی ادائیگی کی نِیَّت سے تراویح کی ادائیگی میں مصروف ہوجاتے ہیں،ذِکْرو دُرُود کی کثرت کی جاتی ہے،راہِ خدا میں خَرْچ کرنے کا جذبہ بڑھ جاتا ہے،غریبوں اور مسکینوں کی مالی مدد(Help) کی جاتی ہے اور اِس کے عِلاوہ بہت سے نیک کام سَراَنجام دئیے جاتے ہیں۔

اَلْحَمْدُ لِلّٰہ یہی وہ بَرَکتوں والا مہینا ہے جس کے فضائل و بَرکات نبیِّ اکرم صَلَّی اللہُ عَلَیْہِ واٰلہٖ وَسَلَّمَ نے اپنی زبانِ مبارَک سے بَیان فرمائے ہیں ،چنانچہ

اِسْتِقْبالِ رَمَضَان اور خُطبۂ مَحبوبِ رَحمٰن

حضرت سَلمان فارِسی رَضِیَ اللہُ عَنْہُ فرماتے ہیں:میرےآقا صَلَّی اللہُ عَلَیْہِ واٰلہٖ وَسَلَّمَ نے ماہِ شعبان کے

[1]...جامع صغیر، صفحہ:81، حدیث:1284۔

Important

Mobile Apps

Contact Us