ہونے کے لئے عاشقانِ رسول کی  دینی تحریک دعوتِ اسلامی کےدینی ماحول سے وابستہ(Associated) ہو جایئے اور ذیلی حلقے کے 12 دینی کاموں میں بڑھ چڑھ کر حِصَّہ لیجئے۔ذیلی حلقے کے 12 دینی کاموں میں سے ایک دینی کام نیک اعمال کا رسالہ پر کرنا بھی ہے۔ امیر اہلسنت کے عطا کردہ 72 نیک اعمال میں سے ایک نیک عمل نمبر 34 یہ ہے کہ کیا آج آپ نے اوّابین یا اشراق و چاشت کے نوافل پڑھے؟  عنقریب رمضان المبارک کے مہینے کی آمد ہے اور رمضان المبارک کا مہینا تو ہے ہی عبادت کا مہینا ، اس مہینے میں نوافل کا ثواب بڑھا کر فرائض کے برابر کردیا جاتا ہےتوہمیں چاہیے کہ فرائض کے ساتھ ساتھ نوافل کی بھی کثرت کریں۔ تو اگر ہم اس نیک عمل نمبر 34 پر عمل کریں گے تو اللہ  پاک کی رحمت سے امید ہے کہ ہم رمضان کی حقیقی برکتوں کو پانے میں کامیاب ہوجائیں گے۔ ان شاء اللہ

صَلُّوْا عَلَی الْحَبِیْب!                                               صَلَّی اللہُ  عَلٰی مُحَمَّد

روزے کی نیت کےمدنی پھول

پیارے اسلامی بھائیو!آئیے! شیخ طریقت، امیر اہلسنّت دَامَتْ بَرَکاتُہُمُ الْعَالِیَہ   کی کتاب  ’’فیضان رمضان‘‘ سے روزے کی نیت کے متعلق چند مدنی پھول سننے کی سعادت حاصل کرتے ہیں۔*ادائے روزہ رَمَضان اور نَذْرِ مُعَیَّن اور نَفْل روزوں کیلئے نِیَّت کا وَقت غُروبِ آفتاب کے بعد سے ضَحوَہ کُبْریٰ یعنی نِصفُ النَّہارِ شرعی سے پہلے پہلے تک ہے اِس پورے وَقت کے دَوران آپ جب بھی نِیَّت کرلیں گے یہ روزے ہوجائیں گے۔(رَدُّالْمحتار،۳/۳۳۲ )*نِیَّت دِل کے اِرادے کا نام ہے زَبان سے کہنا شَرط نہیں،مگر زَبان سے کہہ لینا مُستَحَب ہے *اگر رات میں رمضان کے روزے کی نِیَّت کریں تَو یُوں کہیں: نَوَیتُ اَنْ اَصُوْ مَ غَدًا لِلّٰہِ تَعَالیٰ مِنْ فَرْضِ رَمَضان۔ترجَمہ :میں نے نِیَّت کی کہ اللہ پاک کے لئے اِس رَمَضان کا فَرض روزہ کل رکھوں گا۔*اگر دن میں نِیَّت کریں تَو یُوں کہیں:نَوَیتُ اَنْ اَصُوْ مَ ھٰذاالْیومَ لِلّٰہِ تَعَالیٰ مِنْ فَرضِ رَمَضان ۔ترجَمہ :میں نے نِیَّت کی کہ اللہ  پاک کے لئے اِس رَمَضان کا فَرض روزہ