مُعاف فضل و کرم سے ہو ہر خطا یا ربّ     ہو مغفِرت پئے سلطانِ اَنبیا یا ربّ

بِلا حساب ہو جنّت میں داخِلہ یا ربّ            پڑوس خُلد میں سَرور کا ہو عطا یا ربّ^([1])

صَلُّو ْا عَلَي الْحَبيب!                                              صَلَّي الله عَلٰي مُحَمَّد

د معاف کولو فضيلتونه

خوږو او محترمو اِسلامي وروڼو! معلومه شوه چې خلق معاف کول بغير د حساب نه جَنَّت ته بوتلونکے عمل دے۔ افسوس چې نن سبا د دې نيکۍ اِختيارولو والا ډير کم پۀ نظر راځي۔ غصه، بُغض، کينه (يعنې پۀ زړۀ کښې پټه دښمني ساتل) ډيره عامه ده۔ د نورو پۀ وړه وړه غلطۍ باندې تعلق پريښودے کيږي، پۀ زړۀ کښې خبرې ساتلے کيږې او بدلې اخستلے کيږي۔ کاش چې زمونږ توفيق نصيب شي چې مونږ د نورو معاف کولو والا جوړ شو۔

معاف کول افضل عمل دے

الله پاک اِرشاد فرمائي:

اِنْ تُبْدُوْا خَیْرًا اَوْ تُخْفُوْهُ اَوْ تَعْفُوْا عَنْ سُوْٓءٍ فَاِنَّ اللّٰهَ كَانَ عَفُوًّا قَدِیْرًا(۱۴۹) (پارہ:6، سورۀ نساء:149)

ترجمهٴ کنزُ العِرفان: که تاسو څۀ نيکي پۀ ښکاره کوۍ يا پۀ پټه يا د چا بدي معاف کړۍ نو بے شکه الله معاف کوونکے قُدرت لرونکے دے۔

يعنې که تاسو کوم يو نيک کار پۀ ښکاره اوکړئ يا يـې پټ اوکړئ يا د چا بد معاف کړۍ نو دا افضل عمل دے، ځکه چې الله پاک پۀ سزا ورکولو د هر قِسمه قدرت لرلو باوجود د خپلو بندګانو ګناهونه معاف کوي او هغوئي بخښي۔ ځکه تاسو هم پۀ خپل ځان باندې ظلم زور کوونکي معاف کړئ او د خلقو غلطيانې معاف کړئ۔^([2])