تقویٰ باندې شوے دے۔^([1]) يعنې پۀ دُنيا کښې عزت، مرتبه او مقام، اوچت والے، ترقي، کاميابي د هغه چا نصيب کيږي څوک چې ډير محنت کوي او پۀ اخرت کښې به اوچتې درجې، ډير عزت، ډير مقام او مرتبه د هغه چا نصيب کيږي څوک چې زيات تقویٰ دار وي۔ پۀ دولسمه سيپاره، سورۀ هُود، آيت نمبر: 49 کښې اِرشاد دے:

اِنَّ الْعَاقِبَةَ لِلْمُتَّقِیْنَ۠(۴۹) (پارہ: 12، سورة ھود:49)

ترجمهٴ کنزُ العِرفان: بے شکه ښۀ انجام د پرهيزګارو د پاره دے۔

پۀ يو ځائے کښې الله پاک د جَنَّت پۀ باره کښې اِرشاد فرمائي:

اُعِدَّتْ  لِلْمُتَّقِیْنَۙ(۱۳۳) (پارہ: 4، سورة آل عمران:133)

ترجمهٴ کنزُ العِرفان: هغه د پرهيزګارو د پاره تيار کړے شوے دے۔

سُبْحٰنَ اللہ! معلومه شوه چې الله پاک جَنَّت جوړ کړے هم د تقویٰ دارو د پاره دے، لهذا چې څوک ډير پرهيزګاره وي، د هغۀ به پۀ جَنَّت کښې ډيرې اوچتې مرتبې نصيب کيږي، هغۀ ته به ډير نعمتونه ميلاؤيږي۔

تقویٰ څۀ ده؟

تقویٰ څۀ ته وئيلے شي؟ پۀ دې هم ځان پوهه کړئ! يوه ورځ د مسلمانانو دويم خليفه حضرت عمر فاروقِ اعظم رَضِىَ اللهُ عَـنْهُ حضرت کَعبُ الاَحبَار رَحْمَةُ الـلّٰـهِ عَـلَيْه ته وفرمائيل: اے کعبه! ووايئ چي تقویٰ څۀ ده؟ حضرت کعبُ الاَحبار رَحْمَةُ الـلّٰـهِ عَـلَيْه عرض اوکړو: اے اَمِيرُ المُؤمِنِين ! آيا تاسو چرته پۀ داسې لاره باندې تير شوي يـۍ پۀ کومه چې جاړې [يعنې ګڼ ازغن بوټي] وي؟ حضرت عمر فاروقِ اعظم رَضِىَ اللهُ عَـنْهُ وفرمائيل: آؤ، بالکل زۀ پۀ داسې لار باندې تير شوے يم۔ حضرت کعب الاَحبار رَحْمَةُ الـلّٰـهِ عَـلَيْه عرض اوکړو: بيا تاسو پۀ داسې لار باندې څنګه تيريږۍ؟ اِرشاد يـې وفرمائيلو: زۀ د ازغو نه ځان ساتم او خپلې جامې