Book Name:Bila Hisab Jannat Delane Wale Aamal
سلوک کولو حکم دے، د هغوئي سره خپلولي پريښودل، سخته ګناه ده۔ پۀ حديثِ پاک کښې دي: څوک چې رشته ماتوي، الله پاک هغه ماتوي۔ ([1])
يوه پوښتنه دلته ډيره عامه ده، هغه دا چې زما خپلوان زما سره صحيح نۀ چليږي، هغوئي زما سره ښۀ سلوک نۀ کوي نو اخر زۀ د هغوئي سره ښۀ سلوک ولې اوکړم؟ دا عام طور پۀ ذهنونو کښې راتلونکے خيال دے۔ پۀ دې باره کښې يو حديثِ پاک واورئ! حضرت ابو هريره رَضِىَ اللهُ عَـنْهُ فرمائي چې يو کَس پۀ بارګاهِ رسالت کښې عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! * زۀ د خپلو خپلوانو سره صِلۀ رحمي کووم خو هغوئي زما سره تعلق پريږدي * زۀ د هغوئي سره ښۀ سلوک کووم خو هغوئي زما سره بد سلوک کوي * زۀ د هغوئي سره د صبر نه کار اخلم خو هغوئي زما سره د جهالت سلوک کوي۔ نبي کريم صَلَّى اللهُ عَلَيْهِ وَاٰلِهٖ وَسَلَّم اِرشاد وفرمائيلو: که معامله داسې ده څنګه چې تۀ بيانوې نو ستا سره به د الله پاک د طرف نه يو مددګار وي د څو پورې چې تۀ پۀ دې حال اوسې۔ ([2])
خوږو او محترمو اِسلامي وروڼو! بے حسابه جَنَّت ته بوتلونکے يو عمل قَنَاعت [يعنې پۀ لږو راضي کيدل] هم دے۔
د حضرت ابو هريره رَضِىَ اللهُ عَـنْهُ نه روايت دے چې نبي پاک صَلَّى اللهُ عَلَيْهِ وَاٰلِهٖ وَسَلَّم فرمائيلي دي: مَنْ هُدِيَ بِالْاِسْلَامِ چا ته چې د اِسلام هدايت وکړے شو وَقَنَعَ بِمَا آتَاهُ اللهُ تَعَالىٰ او هغۀ د الله پاک پۀ ورکړے شوو باندې قناعت اِختيار کړي دَخَلَ الْجَنَّةَ بِغَيْرِ حِسَابٍ نو هٰغه قناعت کوونکے به بے حسابه جَنَّت ته داخِل شي۔([3])