مصطفٰے صَلَّى اللهُ عَلَيْهِ وَاٰلِهٖ وَسَلَّم يو ښکلے نصيحت واورئ! دا نصيحت زما د پاره هم دے، ستاسو د پاره هم دے، د زيد، عَمَرو، بکر وغيره د ټولو د پاره دے۔ د دواړو جهانو سردار، رحمتِ عالميان صَلَّى اللهُ عَلَيْهِ وَاٰلِهٖ وَسَلَّم ارشاد فرمائيلے دے: آيا تاسو د اَبُو ضَمضم پۀ شان نشئ کيدے؟ صحابۀ کرامو رَضِىَ اللهُ عَـنْهُم عرض وکړو: اَبُو ضَمضم څوک دے؟ اوئې فرمائيل: ستاسو نه پۀ مخکښينو خلقو کښې يو کَس وو، چې کله به سحر شو نو هغۀ به داسې وئيل: اے الله پاکه! ما د نن ورځې خپل عزت پۀ هٰغه کَس باندې صدقه کړو (يعنې هغه مې معاف کړو) څوک چې پۀ ما باندې ظلم اوکړي۔ ^([1])

څومره ښکلے نصيحت دے۔ چې مونږه هم خپل دا معمول جوړ کړو * هره ورځ خپل عزت، خپل وقار، د خپل اوچت حيثيت رُعب، د خپلې عهدې او د څوکۍ  غرور وغيره وغيره هٰغه ټول څيزونه کوم چې مونږه د بے صبرۍ او غصې د پاره غولوي، هٰغه ټول څيزونه قربان کړو * روزانه دا نيت اوکړو چې يا الله پاکه! نن چې څوک څوک ما تنګوي، ما هغه د مخکښي نه معاف کړل * نن چې څوک څوک پۀ ما باندې ګوتې اوچتوي، ما هغه معاف کړل * څوک چې هم نن ما ته پيغور کوي، ما هغه معاف کړل * څوک چې هم نن ما ته تکليف راکوي * ما ته پۀ ترس نظر ګوري * ما ته کنځلې کوي * پۀ ما پورې مَلَنډې کوي، اے الله پاکه! ستا د رضا د پاره ما ټول د مخکښې نه معاف کړل۔

الله پاک دې مونږ ته د عمل کولو توفيق راعطا کړي۔ کاش چې زمونږه د صبر، حِلم او د برداشت نعمت نصيب شي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

تُو عطا حِلْم کی بھیک کر دے                  میرے اخلاق بھی ٹھیک کر دے

تجھ کو فاروق کا واسطہ ہے                      یاخُدا! تجھ سے میری دُعا ہے^([2])