بے حسابه جَنَّت ته بوتلونکي اَعمال

راغونډووم۔ حضرت کعب رَحْمَةُ الـلّٰـهِ عَـلَيْه عرض اوکړو: ذٰلِکَ التَّقْویٰ اے اَمِيرُ المُؤمِنِينه! بس هم دا تقویٰ ده۔ ^{(^[1])}

مطلب دا دے چې مونږ دې دُنيا ته راغلو، الله پاک مونږ ته پاک رُوح راعطا کړو، پاک صفا زړۀ يـې راعطا کړو، اوس مونږ پۀ دې دُنيا تيريږو او د اخرت طرف ته روان يو، ګويا دا دُنيا يوه لاره ده او پۀ دې لاره باندې ازغن ګڼ بوټي دي * يو طرف ته شيطان دے * بل طرف ته نفس دے * يو طرف ته د دُنيا محبت دے * بل طرف ته د مال محبت دے * حسد * بغض * کينه * خواهش پرستي وغيره وغيره پۀ زرګونو ګناهونه او پۀ زرګونو د ګناهونو لارې، دا ټولې ګويا ازغن ګڼ بوټي دي، مونږ ته د ژوند پۀ دې سفر کښې خپل پاک رُوح، خپل زړۀ د دې ازغنو ګڼو بوټو (يعنې ګناهونو) نه بچ کول او تيريدل دي، بس هم د دې څيز نوم تقویٰ ده۔

(3): معاف کول

خوږو او محترمو اِسلامي وروڼو! بے حسابه جَنَّت ته پۀ بوتلونکو اعمالو کښې يو عمل معاف کول هم دي۔

حضرت اَنَس بن مالِک رَضِىَ اللهُ عَـنْهُ بيان کوي، د غيبو نه خبر او غيب ويونکي رښتوني نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم د غيبو خبر ورکوي او فرمائي : کله چې د قيامت پۀ ورځ بندګان د حساب د پاره ودريږي نو يو اواز کوونکے به اواز اوکړي: هٰغه خلق ودريږئ د کومو اَجر چي د الله پاک پۀ ذِمَّه باندې دے او جَنَّت ته لاړ شئ۔ پوښتنه به اوکړے شي: هغه څوک دي د کومو اَجر چي د الله پاک پۀ ذِمَّه باندې دے؟ وه به وئيلے شي: خلق معاف کوونکي۔ پۀ دې اوريدو به پۀ زرګونو خلق ودريږي او بغير د حساب نه به جَنَّت ته داخِل شي۔^{(^[2])}

[1]... تفسیرِ بغوی، پارہ:1، سورۂ بقرہ، زیرِ آیت:2، جلد:1، صفحہ:13۔

[2]... معجم اوسط،جلد:1، صفحہ:542، حدیث:1998۔

Important

Mobile Apps

Contact Us