دي: مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجَنَّةِ چا چې زما د سُنّتو سره محبّت وکړو هغۀ زما سره محبّت وکړو او چا چې زما سره محبّت وکړو هغۀ به پۀ جَنَّت کښې زما سره وي۔ ^([1])

سینہ تیری سُنّت کا مدینہ بنے آقا!             جَنَّت میں پڑوسی مجھے تم اپنا بنانا

صَلُّو ْا عَلَي الْحَبيب!                                              صَلَّي الله عَلٰي مُحَمَّد

ښۀ اخلاق د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت دي

د اخِري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم دوه فرامين مبارک: (1): پۀ ايمان کښې زيات کامِل هغه دے د چا چې اخلاق ښۀ وي۔ ^([2]) (2): د ښۀ اخلاقو نه بهتر مسلمان ته هيڅ څيز نۀ دے ورکړے شوے۔ ^([3])

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! ښۀ اخلاق د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت دي۔ * حضورِ اقدس صَلَّى اللهُ عَلَيْهِ وَاٰلِهٖ وَسَلَّم به د هر چا سره د ښو اخلاقو او محبت والاسلوک فرمائيلو * نۀ به يـې څوک رټلو او نۀ به يـې ستغې سپورې وئيلې * صحابۀ کرامو رَضِىَ اللهُ عَـنْهُم ته به د کتلو سره مُسکے کيدلو، د هغوئي سره، د هغوئي د بچو سره به يـې خوش طبعي فرمائيله، ماشومان به يـې پۀ غيږه مبارکه کښې کښينول * د مريضانو تپوس به يـې کولو * پۀ محفل کښې به چرې هم پۀ غزيدلو ښپو نه کښيناستلو * پۀ سلام کښې به يـې پهل [يعنې وړومبے والے] کولو * ټول به يـې پۀ ښۀ نومونو سره رابلل * د نورو خبره به يـې نۀ کټ کوله۔

الله پاک دې مونږ ته هم د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د اخلاقو اختيارولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔