Janwaron Par Reham Kijiye

مُفَسِّرِ قرآن، حکیم الاُمّت مفتی احمد یار خان نعیمی رَحمۃُ اللہِ عَلَیْہ فرماتے ہیں: تکبیرِ تشریق حضرتِ ابراہیم عَلَیْہِ السَّلَام ،حضرتِ اسماعیل عَلَیْہِ السَّلَام اور حضرتِ جبرائیل عَلَیْہِ السَّلَام کے کلاموں کا مجموعہ ہے۔جس وقت حضرتِ ابراہیم عَلَیْہِ السَّلَام نے حضرتِ اسماعیل عَلَیْہِ السَّلَام کی قربانی کے لئے آپ کے گلے پر چُھری رکھی،حضرتِ جبرائیل عَلَیْہِ السَّلَام کو اللہ پاک نے جنتی مینڈھا لے کر حاضر ہونے کا حکم دیا ،حضرتِ جبرائیلِ امین عَلَیْہِ السَّلَام نے مینڈھا لاتے ہوئے بلندی ہی سے یوں پڑھا: اَللہُ اَکْبَرُ اَللہ ُ اَکْبَر ، یہ آواز سن کر حضرتِ ابراہیم عَلَیْہِ السَّلَام نے نگاہ مبارک اٹھائی، دیکھا؛ حضرتِ جبرائیلِ امین عَلَیْہِ السَّلَام جنتی مینڈھالئے حاضر ہو رہے ہیں، اس پر حضرت ابراہیم عَلَیْہِ السَّلام نے پڑھا: لَآ اِلٰہَ اِلَّا اللہُ وَاللہُ اَکْبَر ۔ پھر اللہ پاک کے حکم سے حضرتِ اسماعیل عَلَیْہِ السَّلَام کے ہاتھ پاؤں کھولے گئے اور انہیں قربانی قبول ہو جانے کی خوشخبری دی گئی تو حضرتِ اسماعیل عَلَیْہِ السَّلَام نے کہا: اَللہُ اَکْبَر وَلِلّٰہِ الْحَمْد۔

اس وقت حضرتِ جبرائیل امین عَلَیْہِ السَّلَام ، حضرتِ ابراہیم عَلَیْہِ السَّلَام اور حضرتِ اسماعیل عَلَیْہِ السَّلَام نے جو کچھ پڑھا، ان کو آپس ملا دیا گیا، اسے تکبیرِ تشریق کہتے ہیں: اَللہُ اَکْبَرُ اَللہ ُ اَکْبَرُ لَآ اِلٰہَ اِلَّا اللہُ وَاللہُ اَکْبَرُ اَللہُ اَکْبَرُ وَلِلّٰہِ الْحَمْد۔^{(^[1])}

پیارے اسلامی بھائیو!ہم بھی کوشش کریں کہ ان عظیم ہستیوں کی یاد میں ایامِ تشریق میں ہر نماز کےبعد آنکھیں بند کر کے حضرتِ ابراہیم عَلَیْہِ السَّلَام اور اسماعیل عَلَیْہِ السَّلَام کی قربانی کا تَصَوُّر باندھ کر تکبیرِ تشریق پڑھیں، اِنْ شَآءَ اللہُ الْکَرِیْم! تکبیر پڑھنے کا لُطْف دوبالا

[1]... مرآۃ المناجیح،جلد:2،صفحہ: 88 مفہوماً۔

Important

Mobile Apps

Contact Us