يـې بيا بيا خيال راتللو چې بچو ته به څۀ وايم، څنګه به يـې دلاسه کووم۔ هُم پۀ دې سوچونو کښي د پريشانۍ پۀ حالت کښې د کور طرف ته روان وو، چې کله کور ته نزدې شو نو څۀ ګوري چې د کور نه يـې د ښه خوراکونو خوشبوئي راځي، داسې ښکاريدله لکه چې دننه خوشحالي وي، د يو سعت د پاره خو ورته ولګيدله چې کيدے شي د بل چا کور ته راغلے يم، بيا يـې چې کله دروازه وډبوله نو ښځې يـې پۀ خندا او پۀ مُسکا او پۀ خوشحالۍ خوشحالۍ دروازه برسيره کړه، پۀ کتلو يـې ووئيل: تۀ چې د کوم مالِک سره کار کوې، هغۀ واقعي ده چي ډير کريم دے، نن ستاسو د تللو نه پس د هغۀ قاصِد راغلو، هغۀ ډيري زياتي پيسي  او د خوراک څيزونه راکړل او اوئې وئيل: چې کله ستا خاوند راشي نو هغۀ ته سلام وايه او ورته ووايه چې ستا مالِک ستا د عمل نه راضي دے، دا ستا د محنت بدله ده۔ ^([1])

خوږو او محترمو اِسلامي وروڼو! واقعي  رښتيا خبره ده، څوک چې د نيکۍ لار اختيار کړي نو الله پاک د هغۀ ټول وران کارونه سم کړي۔ اَلْحَمْدُ لِلّٰہ! رَمَضَانُ المُبَارَک شريف تشريف راوړي، راځئ چې دا يوه مياشت مونږه د الله پاک پۀ نوم کړو، بس پوخ ذِهن جوړ کړو چې نور کارونه که کيږي او که نۀ کيږي، عبادت به ضرور کووم، د نيکۍ کارونه به لازمي کووم، پۀ دې مياشت کښې به لږه ګټه وکړم خو پۀ نيکو کښې به هيڅکله هم کمے ونکړم۔

عبادت وکړئ۔۔۔!! ښۀ په کلکه يې وکړئ!

پۀ 16 سيپاره، سورۀ مريم آيت: 65 کښې الله پاک فرمائي:

رَبُّ السَّمٰوٰتِ وَ الْاَرْضِ وَ مَا بَیْنَهُمَا فَاعْبُدْهُ وَ اصْطَبِرْ لِعِبَادَتِهٖؕ- (پارہ:16، سورۀ مریم:65)

ترجمهٴ کنزُ العِرفان: د اسمانونو او زمکې او څۀ چې د دې پۀ مينځ کښې دي د ټولو رب (هُم هغۀ دے) نو هُم د هغۀ عبادت کوه او د هغۀ پۀ عبادت کلک ودريږه۔

يعنې هغه هُم الله پاک دے څوک  چې د زمکې او اسمان خالِق هم دے، مالِک هم دے، هُم هغۀ د ټولو جهانونو پالونکے دے، بس د هغۀ عبادت کوئ! او اوئې فرمائيل:

وَ اصْطَبِرْ لِعِبَادَتِهٖؕ- (پارہ:16، سورۀ مریم:65)

ترجمهٴ کنزُ العِرفان: او د هغۀ پۀ عبادت کلک ودريږه۔