Book Name:Aao Bhalai Ki Taraf
همت وکړئ۔۔۔!! ([1])
څومره ښکلے نصيحت دے۔۔۔!! خلق هډو ودريږي نۀ: * څوک د خپلو حقونو د پاره ودريږي * څوک د خپلې غريبۍ د ختمولو د پاره ودريږي * د چا د مالداره کيدو نشه پۀ سَر سَوَرۀ وي نو همت کوي او د مال پۀ ګټلو کښې اخته کيږي * د چا پۀ سَر کښې د شهرت موندلو نشه وي نو کله د يوټيوب، کله د فيس بُک او پته نۀ لګي چې څنګه څنګه ذريعې اختياروي، مونږ ته صِرف يو نصيحت شوے دے، ډير ښکلے نصيحت دے: د الله پاک د راضي کولو نشه پۀ سَر کښې پيدا کړئ! او همت وکړئ او بس هُم د دې کار د پاره ودريږئ۔۔۔!!
پۀ حديثِ پاک کښې دي: زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: د رَمَضَانُ المُبَارَک شريف پۀ هره شپه باندې دا اِعلان کيږي: یَا بَاغِیَ الْخَیْرِ اَقْبِلْ وَ یَا بَاغِیَ الشَّرِّ اَقْصِرْ اے د نيکۍ غوښتونکيه رامخکښي شه۔۔۔!! اے د ګناه غوښتونکيه۔۔۔!! د ګناه نه منع شه! ([2])
سُبْحٰنَ اللہ! لکه چې د رَمَضَانُ المُبَارَک شريف پۀ هره شپه تر سحره پورې اِعلان کيږي: اے د الله پاک بنده ګانو۔۔۔!! راشئ د نيکۍ طرف ته راشئ۔۔۔!! اے د جنَّت طلب ګارانو۔۔۔!! راشئ روژه راغلې ده * اے د بخښنې غوښتلو والا۔۔۔!! راشئ روژه راغلې ده * اے د الله پاک د قرب او د عشقِ مصطفٰے صَلَّى اللهُ عَلَيْهِ وَاٰلِهٖ وَسَلَّم طلب ګارانو۔۔۔!! راشئ روژه راغلې ده * اے نـمونځونه قضا کوونکو! راشئ د نـمونځونو طرف ته! روژه راغلې ده * اے د جَمعې پريښودونکو! د جومات طرف ته راشئ! روژه راغلې ده * اے د ګناهونو پۀ ډنډه کښې انښتو! ګناه پريږئ او د رحمت طرف ته راشئ! روژه راغلې ده۔