سُبْحٰنَ اللہ! رَمَضَانُ المُبَارَک شريف د الله پاک مياشت ده۔ ټولې مياشتې هم د الله پاک دي، ورځې، مياشتې، کلونه هر څۀ هٰغه پاک رَبّ جوړ کړي دي، هم هغۀ دا نظام چلوي، هُم هغۀ خالق دے، هُم هغۀ مالِک دے۔ ټولې مياشتې هم د هغۀ دي خو د رَمَضَانُ المُبَارَک شريف خاص طور د الله پاک طرف ته نسبت دے۔ لکه څنګه چې ټوله زمکه د الله پاک ده خو صرف جومات ته د الله پاک کور وئيلے شي، مطلب څۀ دے؟ دا چې ټولې زمکې ښې دي خو د جومات عظمت ډير زيات دے * پۀ کور کښې چې نفل کوې نو ثواب به ميلاؤيږي، که جومات ته راشې او اوئې کړې نو زيات ثواب به ميلاؤيږي * که بهر نافرماني وکړې نو ګناه ده، که جومات ته راشې او اوئې کړې نو ډيره ګناه ده۔ هم دغه شان رَمَضَانُ المُبَارَک شريف د الله پاک مياشت ده۔ يعنې ټولې مياشتي ښې دي او د فضيلت والا دي خو رَمَضَانُ المُبَارَک شريف ډيره د فضيلت والا مياشت ده۔ که پۀ عامو ورځو کښې نيکي وکړې نو ثواب به دې کيږي، که پۀ رَمَضَانُ المُبَارَک شريف کښې نيکې وکړې نو ډير زيات ثواب به دې کيږي، که پۀ عامو ورځو کښې ګناه وکړې نو ګناه به وي، که پۀ رَمَضَانُ المُبَارَک شريف کښې ګناه وکړې نو ډيره ګناه به وي۔ ځکه چې دا د الله پاک مياشت ده۔

پۀ رَمَـضَانُ الـمُبَارَک شريف کښې د ګناه وَبَال

خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: څوک چې پۀ رمضان کښې د ګناه کار کوي، الله پاک د هغۀ د ټول کال اعمال ضائع کوي۔ ^([1])

الله پاک دې مونږ ته د ګناهونو نه د بچ کيدو او ټول رَمَـضَانُ الـمُبَارَک شريف پۀ نيکو کښې د تيرولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔