Book Name:Aao Bhalai Ki Taraf
خوږو او محترمو اِسلامي وروڼو! اَلْحَمْدُ لِلّٰہ! رَمَـضَانُ الـمُبَارَک شريف تشريف راوړي، نيت وکړئ چې مونږ به هُم ټول رَمَـضَانُ الـمُبَارَک شريف پۀ نيکو کښې تيروو۔ مولانا رُوم رَحْمَةُ الـلّٰـهِ عَـلَيْه يو ځل چا ته نصيحت کولو، هغوئي ډيره ښه خبره وکړه، اوئې فرمائيل: څومره محرومه دے هٰغه بنده کوم چې تر سمندره پورې وَرسي او بيا هم د هلته نه صرف يو ګلاس اوبه راوړي او واپس راشي۔ پۀ سمندر کښې خو لعلونه هم وي، ملغلري جواهرات هم وي، ډير زيات عظيم نعمتونه پۀ سمندر کښې وي، چې تر سمندره پورې رسيدلے دے نو بيا يو ګلاس اوبه ولې راخلي۔۔۔؟ ([1])
اَلْحَمْدُ لِلّٰہ! رَمَـضَانُ الـمُبَارَک شريف تشريف راوړي، هٰغه مياشت پۀ کومه کښې چې د فرضو ثواب 70 چنده زياتولے شي * د نفلونو ثواب د فرضو برابرولے شي * روزانه پۀ لکونو خلق بخښلے کيږي * شپه او ورځ صرف او صرف رحمتونه راوريږي، بيا چې پۀ قِسمت باندې کله زمونږه رَمَضَانُ المُبَارَک شريف نصيب شوه نو بيا صرف پينځه نـمونځونه ولې وکړو؟ * صرف هُم 20 رکعته تراويح ولې وکړو؟ * صرف روژه ولې اونيسو او لوږه او تنده برداشت کړو؟ د دې سره سره د تهجدو، اِشراق، څاخت او د اوابينو نفلونه ولې نۀ کوو؟ * شپې پۀ عبادت کښې ولې نۀ تيروو؟ * د درودِ پاک کثرت او د زياتو نه د زيات ثواب ګټلو کوشش ولې نۀ کوو؟ د تِلاوت کثرت او پۀ يو يو حرف باندې څو څو چنده نيکۍ ولې نۀ ګټو۔۔۔؟ چې رَمَضَانُ المُبَارَک شريف مو نصيب شوې ده، بيا خو پکار ده چې پۀ جولو جولو رحمتونه حاصل کړو، شپه او ورځ، سحر او ماښام بس هُم پۀ نيکو پسې نيکۍ کوو، خپل ځان پۀ عبادت کښې داسې مشغول کړو چې بس دُنيا رانه هيره شي۔