کم خوراک کول سُنَّت دے

د اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: کله چې بنده پۀ خپل خوراک کښې کمے کوي نو د هغۀ سينه د نُور نه ډکولے شي۔ ^([1])

  اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! کم خوراک کول سُنَّت دے۔ * زمونږه خوږ نبي صَلَّى اللهُ عَلَيْهِ وَاٰلِهٖ وَسَلَّم به د لوږې نه کم خوراک کولو * خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم چې تر څو پورې پۀ دنيا کښې تشريف فرما وو، چرې يـې هم پرله پسې 2 شپې پۀ مړه خيټه خوراک نه وو کړے * رسول الله صَلَّى اللهُ عَلَيْهِ وَاٰلِهٖ وَسَلَّم به د لوږې پۀ وجه پۀ خِيټه مبارکه پسې کاڼي تړل۔

د خوراک د مِقدار پۀ باره کښې حکمونه: * چي څومره لوږه وې د هغي نه کم  خوراک کول سُنَّت دي * چې څومره لوږه وي، هغه همره خوړل مُبَاح دي (يعنې پۀ دې کښې نۀ ګناه شته او نۀ ثواب) * دومره پۀ مَړه خيټه خوړل چې د خيټې خرابيدو ګمان وي، حرام دي * دومره پۀ مړه خيټه خوړل چې د خيټې خرابيدو انديښنه نۀ وي، مکروه دي * پۀ خوراک کښې دومره کمے راوستل چې پۀ فرائضو ادا کولو کښې خنډ [يعنې رکاوټ] شي، جائز نۀ دي۔ ^([2]) 

د مختلفو سنتو زده کولو د پاره د مکـتبة الـمدينه د بهارِ شريعت جلد: 3 نه حصه نمبر 16 او د شيخ طريقت، امير اهلسنت علامه مولانا ابو بلال محمد الياس عطار قادري رضوي دَامَتْ بَرَکَاتُہُمُ الْعَالِیَه  د 91 صفحو رساله 550  سنتیں اور آداب واخلئ او اوئې لولئ! د سنتو زده کولو يوه بهترينه ذريعه د دعوتِ اسلامي پۀ مَدَني قافلو کښې د عاشقانِ رسول سره د سنتو ډک سفر کول هم دے۔

غم کے بادَل چَھٹیں قافلے میں چلو                                                                                                   خوب خوشیاں ملیں قافلے میں چلو