طریقے لکھے ہیں،یہ کِتَاب پڑھ لیجئے!اِنْ شَآءَ اللہُ الْکَرِیْم!زبردست  اور بااَثَر مبلغ بننے میں کافِی مدد ملے گی۔ اللہ پاک ہمیں عَمَل کی توفیق عطا فرمائے۔

*مزید اس واقعے میں ہمارے لئے سیکھنے کی یہ بات بھی ہے کہ مسلمانوں کے چوتھے خلیفہ، علی المرتضیٰ، شیرِ خُدا رَضِیَ اللہُ عنہ جنہیں دُنیا ہی میں جنّت کی خوشخبری سُنائی گئی، جن کے شہزادے یعنی امامِ حسن و امامِ حسین رَضِیَ اللہُ عنہما جنّتی نوجوانوں کے سردار ہیں، وہی علی المرتضیٰ رَضِیَ اللہُ عنہ جن کے دَر سے زمانے کی جھولیاں بھرتی ہیں،جو مشکل کُشَا بھی ہیں،حاجَت روا بھی ہیں،جو ہر مسلمان کے مولیٰ (محبوب و مددگار) ہیں،وہی مولائے کائنات، مولا علی مشکل کُشَا، شیرِخُدا رَضِیَ اللہُ عنہ دُنیا سے کس قدر بے رغبتی رکھتے ہیں، جب ہمارے ان پیشواؤں نے دُنیا اور اس کی محبّت کو گوارا نہ کیا تو ہمیں بھی چاہئے کہ دُنیا کی محبّت کو دِل میں  بالکل بھی جگہ نہ دیں۔

صَلُّوْا عَلَی الْحَبِیْب!                                                                                               صَلَّی اللہُ عَلٰی مُحَمَّد

حضرت علی رَضِیَ اللہُ عنہ  کا مختصر تعارُف

پیارے اسلامی بھائیو!حضرت مولیٰ علی رَضِیَ اللہُ عنہ مسلمانوں کے چوتھے خلیفہ ہیں، آپ مکہ مکرمہ میں پیدا ہوئے، 10 سا ل کی عمر مبارک میں اسلام قبول کیا^([1])آپ کی والدہ نے آپ کا نام حیدر جبکہ والد نے آپ کا نام  علی رکھا، رسولِ اکرم، نُورِ مُجَسَّم صَلَّی اللہُ عَلیہ واٰلہٖ و سَلَّم نے آپ کو اَسَدُ اللہ کے لقب سے نوازا، اَسَدُ اللہ کا معنی ہے: شیرِ خُدا یعنی