(1):پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے فرمایا: مَنْ کُنْتُ مَوْلَاہُ فَعَلِیٌ مَوْلَاہُ یعنی جس کا میں مولیٰ ہوں، اس کے علی مولیٰ ہیں۔ پھر آپ  صَلَّی اللہُ عَلَیْہِ وَ آلِہٖ وَ سَلَّم نے دعا کی: اَللّٰہُمَّ وَالِ مَنْ وَالَاہُ وَ عَادِمَنْ عَادَاہُ یعنی اے اللہ پاک! جو علی سے محبت کرے، تُو اس سے محبت فرما اور جو علی سے دشمنی رکھے، تُو اس سے دُشمنی فرما۔^([1])

  (2):حضرت عبد اللہ بن مسعود رَضِیَ اللہُ عنہ سے روایت ہے، اللہ پاک کے آخری نبی، رسولِ ہاشمی  صَلَّی اللہُ عَلَیْہِ وَ آلِہٖ وَ سَلَّم  نے فرمایا: اَلنَّظْرُ اِلیٰ وَجْہِ عَلِیٍّ عِبَادَۃٌ یعنی علی کے چہرے کو دیکھنا عبادت ہے۔^([2])(3):مسلم شریف کی حدیثِ پاک ہے اور اس  کے راوِی (یعنی حدیث بیان کرنے والے ) خُود حضرت علیُ المرتضیٰ رَضِیَ اللہُ عنہ ہیں، فرماتے ہیں: مجھے اُس  ذات کی قسم! جو دانے کو پھاڑتی(یعنی دانے سے درخت نکالتی) ہے، اُس ذات کی قسم! جس نے رُوح کو پیدا کیا، بےشک نبی اُمِّی، رسولِ ہاشمی، مُحَمَّدِ عربی  صَلَّی اللہُ عَلَیْہِ وَ آلِہٖ وَ سَلَّم کا مجھ سے وعدہ ہے کہ اَنْ لَّا یُحِبَّنِیْ اِلّا مُؤْمِن وَ اَنْ لَّا یُبْغِضَنِیْ اِلّا مُنَافِق یعنی مجھ سے محبت نہیں رکھے گا مگر مؤمن اور مجھ سے بُغض  (یعنی دِل میں دُشمنی) نہیں رکھے گا مگر مُنَافق۔^([3])

صَلُّوْا عَلَی الْحَبِیْب!                                                                                          صَلَّی اللہُ عَلٰی مُحَمَّد

شیرِ خدا رَضِیَ اللہُ عنہ کا زُہد

پیارے اسلامی بھائیو!مولائے کائنات،مولا علی شیرِ خُدا رَضِیَ اللہُ عنہ کے بہت