سے پہلے جن صاحِب کی آمد پر ہم سب نے اُٹھ کر تعظیم(Respect) کی تھی، وہ شخصیت امام حَسَن بَصْری رَحمۃُ اللہِ عَلَیْہ ہی تھے، وہ اپنی کرامت سے روزانہ بصرہ سے یہاں مِنیٰ شریف میں تشریف لاتے اور یہیں نمازِ ظہر ادا فرماتے ہیں۔ امام صاحِب نے مزید فرمایا:امام حَسَن بَصْری رَحمۃُ اللہِ عَلَیْہ جس کے راہنما(Leader) ہوں، اس کو کسی غیر کی حاجت نہیں...!!^([1])

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

امام حسن بَصْری رَحمۃُ اللہِ عَلَیْہ کا مختصر تعارف

پیارے اسلامی بھائیو! حضرت امام حَسَن بَصْری رَحمۃُ اللہِ عَلَیْہ بلند مرتبہ تابعی بزرگ ہیں *ایک روایت کے مطابق آپ کو 130 صحابۂ کرام علیہمُ الرّضوان  سے ملاقات کا شرف حاصِل ہے*ان میں سے   70بدری (یعنی غزوۂ بدر میں شرکت کرنے والے) صحابۂ کرام علیہمُ الرّضوان  بھی شامِل ہیں۔^([2])*امام حَسَن بَصْری رَحمۃُ اللہِ عَلَیْہ کی وِلادت مدینۂ مُنوَّرہ میں مسلمانوں کے دوسرے خلیفہ حضرت عمر فاروقِ اعظم رَضِیَ اللہُ عَنْہ کے دورِ خلافت میں ہوئی۔^([3]) *وِلادت کے بعد آپ کو امیر المؤمنین حضرت عمر فاروقِ اعظم رَضِیَ اللہُ عَنْہ کی خِدْمت میں حاضِر کیا گیا، انہی کی خواہش پر آپ کا نام حَسَن رکھا گیا۔^([4]) *امام حَسَن بَصْری رَحمۃُ اللہِ عَلَیْہ کی کُنِیَّتْ ابوسعید ہے ۔^([5]) * آپ کی والدہ محترمہ مسلمانوں کی امی جان حضرت اُمِّ سلمہ رَضِیَ اللہُ عنہا کی کنیز تھیں۔^([6]) *منقول ہے : جب