عرض کیا : جی ہاں ! فرمایا : اپنا مال  ( آخرت کے لئے صدقہ و خیرات کر کے )  آگے بھیج دو ! کیونکہ آدمی کا دِل اپنے مال کے ساتھ ہوتا ہے ، اگر یہ اپنے مال کو آگے بھیج دے  ( یعنی صدقہ و خیرات کر دے )  تو اس سے ملنا چاہتا ہے اور اگر مال کو پیچھے چھوڑ دے تو اس کے ساتھ پیچھے رہنا چاہتا ہے ۔   ^{( [1] )}  

پیارے اسلامی بھائیو ! فِکْرِ آخرت پانے کا ایک طریقہ اچھی صحبت بھی ہے ، نیک پرہیزگار ،  خوفِ خُدا والے ، آخرت کی فِکْر کرنے والے لوگوں کے ساتھ بیٹھیں گے تو اِنْ شَآءَ اللہ الْکَرِیْم ! ہمیں بھی فِکْرِ آخرت نصیب ہو جائے گی۔ اچھی صحبت حاصِل کرنے کے لئے دعوتِ اسلامی  والے عاشقانِ رسول کے ساتھ مدنی قافلوں میں سفر کو اپنا معمول بنائیے ، اپنے شہر میں ہونے والے ہفتہ وار سنتوں بھرے اجتماع میں شرکت کیجئے ، امیرِ اہلسنّت دَامَت بَرَکاتُہم العالیہ کا عطاکردہ رسالہ نیک اعمال کے مطابق زندگی گزارنے کی کوشش کیجئے ، مدرسۃ المدینہ بالغان میں شرکت کرکے فیضانِ قرآن حاصل   کیجئے ، الحمدللہ ! شیخِ طریقت ، امیرِ اہلسنت ، حضرت علامہ مولانا ، محمد الیاس عطار قادری رضوی دَامَت بَرَکاتُہم العالیہ ہر ہفتے  کو بعدِ نمازِ عشا مدنی چینل پر براہِ راست  ( Live )  مدنی مذاکرہ فرماتے   ہیں اس میں شرکت کیجئے ، سوشل میڈیا   ( یعنی فیس بک  ( Facebook )  انسٹا گرام ( Instagram ) ، واٹس ایپ ( WhatsApp ) ، ٹوئٹر  ( Twitter )  یوٹیوب  ( YouTube )  پر دعوتِ اسلامی کے مختلف پیجز ( Pages )  بنے ہوئے  ہیں ان کو دیکھئے۔  اللہ پاک عمل کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖنَ صَلَّی اللہ عَلَیْہِ وَ آلِہٖ وَسَلَّم ۔   

صَلُّوا عَلَی الْحَبیب !                                     صَلَّی اللّٰہُ عَلٰی مُحَمَّد