بارے میں بھی کچھ لکھا ہے ؟ پادری نے ہاں میں جواب دیا ، حضرت عمر فاروقِ اعظم رضی اللہ عنہ  نے پوچھا : کَیْفَ تَجِدُوْنِیْ مجھے اپنی کتابوں میں کیسا پاتے ہو ؟ پادری نے کہا : قَرْنٌ مِّنْ حَدِیْدٍ یعنی ہماری کتابوں   میں   لکھا ہے کہ آپ لوہے کا سینگ ہیں۔ آپ نے فرمایا : لوہے کا سینگ ! اس کا کیا مطلب ہے ؟ پادری بولا : اَمِیْرٌ شَدِیْدٌ یعنی  ( دینی احکام نافذ کرنے میں ) سختی کرنے والے حاکِم۔ اس پر حضرت عمر فاروقِ اعظم  رضی اللہ عنہ نے اللہ پاک کا شکر ادا کرتے ہوئے فرمایا : اللہ پاک سب سے بڑا ہے ، تمام تعریفیں اسی کے لئے ہیں۔ ^{( [1] )}    

اَہْلِ نجران کی گواہی

ایک مرتبہ اَمِیْرُ الْمُؤْمِنِیْن حضرت عمر فاروقِ اعظم رضی اللہ عنہ  گھوڑے پر سُوار کہیں جا رہے تھے ، اچانک آپ کی پنڈلی مبارک سے کپڑا ہٹ گیا ، اتفاقی بات ہے کہ اُسی وقت اَہْلِ نجران  ( جو کافِر تھے ، ان )  میں سے کسی کی نظر آپ کی پنڈلی مبارک پر پڑی ، وہاں سیاہ نشان تھا ، اس پر اَہْلِ نجران بولے : ھٰذَا الَّذِیْ نَجِدُ فِیْ کِتَابِنَا یُخْرِجُنَا مِنْ اَرْضِنَا یعنی یہ  وہی شخص ہے جس کے متعلق ہماری کتابوں میں لکھا ہے کہ یہ ہمیں ہماری زمین سے نکال دے گا۔ ^{( [2] )}  

اللہ اکبر ! اے عاشقانِ صحابہ و اہلِ بیت ! دیکھا آپ نے ! پچھلی آسمانی کتابوں میں حضرت عمر فاروقِ اعظم رضی اللہ عنہ  کا ذِکْرِ خیر کتنی تفصیل کے ساتھ موجود تھا ، غیر مسلموں نے صِرْف آپ کی پنڈلی مبارک پر سیاہ نشان دیکھا ، اسی سے وہ آپ کوپہچان گئے۔