پرچم بلند فرما دیا۔

فاروقِ اعظم رضی اللہ عنہ  جہنّم سے رکاوٹ ہیں

حضرت اُمِّ کلثوم  رضی اللہ عنہا  سرورِ عالَم ، نورِ  مُجَسَّم صَلَّی اللہ عَلَیْہ وَآلِہٖ وَسَلَّم کی پیاری نواسی یعنی سیّدہ فاطمۃ الزہراء  رضی اللہ عنہا  کی شہزادی ہیں ، آپ حضرت عمر فاروقِ اعظم رضی اللہ عنہ  کی زوجیت میں تھیں ، ایک دِن حضرت عمر فاروقِ اعظم رضی اللہ عنہ  نے دیکھا کہ حضرت اُمِّ کلثوم  رضی اللہ عنہا  زار و قطار رو رہی ہیں ، آپ نے رونے کا سبب پوچھا تو زوجہ محترمہ نے کہا : اے اَمِیْرُ الْمُؤْمِنِیْن ! کعبُ الْاَحْبَار کہتے ہیں کہ آپ جہنّم کے دروازے پر ہیں۔

حضرت عمر فاروقِ اعظم  رضی اللہ عنہ  نے یہ سُنا تو آپ پر خوفِ خُدا طاری ہو گیا ، آپ نے فوراً حضرت کعبُ الْاَحْبَار رضی اللہ عنہ  کو بُلایا ۔  حضرت کعب رضی اللہ عنہ نے حاضِر ہوتے ہی عَرْض کیا : اے اَمِیْرُ الْمُؤْمِنِیْن ! مجھ پر جلدی مت کیجئے ! اللہ پاک کی قسم ! ذُوالحج کا مہینا ختم ہوتے ہی آپ جنّت میں تشریف لے جائیں گے۔

حضرت عمر فاروقِ اعظم رضی اللہ عنہ نے یہ بات سُنی تو حیرت سے فرمایا : اَيَّ شَيْءٍ هٰذَا مَرَّةً فِي الْجَنَّةِ وَمَرَّةً فِي الَّنارِ ؟ یعنی اے کعب ! یہ کیا بات ہوئی... ؟ ؟  کبھی کہتے ہومَیں جہنّم کے دروازے پر ہوں ، اورکبھی کہتے ہومیں جنّتی ہوں ؟ حضرت کعب  رضی اللہ عنہ نے عَرْض کیا : وَالَّذِيْ نَفْسِيْ بِيَدِهٖ ! اِنَّا لَنَجِدُكَ فِيْ كِتَابِ اللہ عَلٰى بَابٍ مِّنْ اَبْوَابِ جَهَنَّمَ تَمْنَعُ النَّاسَ اَنْ يَقْعُوْا فِيْهَا ، فَاِذَا مِتَّ لَمْ يَزَالُوْا يَقْتَحِمُوْنَ فِيْهَا اِلٰى يَوْمِ الْقِيَامَةِ یعنی اے اَمِیْرُ الْمُؤْمِنِیْن ! اس ذات کی قسم جس کے قبضے میں میری جان ہے !  ہم نے اللہ پاک کی کتاب