مدنی مصطفےٰ صَلَّی اللہ عَلَیْہِ وَ آلِہٖ وَسَلَّم  کی رضاعِی  ( یعنی دودھ کے رشتے سے )  اَمّی جان حضرت اُمِّ اَیْمن  رضی اللہ عنہا نے فرمایا : اَلْيَوْمَ وَهِيَ الْاِسْلَامُیعنی آج اسلام کمزور ہو گیا۔ ^{( [1] )}  

اے اہلِ محشر !  یہ عمر ہیں... ! !

حضرت عبد اللہ بن عباس رضی اللہ عنہ  سے روایت ہے ، روزِ قیامت جب حضرت عمر فاروقِ اعظم   رضی اللہ عنہ اللہ پاک کی بارگاہ میں حاضِر ہوں گے ، اس وقت اِسْلام عرض کرے گا : يَا رَبِّ هٰذَا عُمَرُ اَعَزَّنِيْ فِيْ دَارِ الدُّنْيَا فَاَعِزْهُ فِيْ عَرَصَاتِ الْقِيَامَةِ یعنی اے رَبِّ رحمٰن و رحیم ! یہ عمر ہیں ، انہوں نے دُنیا میں میری عزّت بلند کی ، آج میدانِ قیامت میں تُو انہیں عزّت عطا فرما۔

اس کے ساتھ ہی حضرت عمر فاروقِ اعظم رضی اللہ عنہ  کو 2جبے پہنائے جائیں گے ، ان جبوں کی خوشبو ایسی ہو گی کہ ان میں سے ایک بھی دُنیا میں کھول دیا جائے تو ساری دُنیا اس کی مہک سے مُعَطَّر ہو جائے۔  حضرت عمر فاروقِ اعظم رضی اللہ عنہ  کو نورانی اونٹنی پر بٹھایا جائے گا ، آپ کے آگے 70 ہزار جھنڈے لہرا رہے ہوں گے ، اس وقت میدانِ محشر میں ایک آواز گونجے گی : یٰاَهْلَ الْمَوْقَفِ هٰذَا عُمَرُ فَاعْرِفُوْهُ  اے اَہْلِ محشر ! یہ عمر ہیں ، انہیں پہچان لو... !  ^{( [2] )}  

اے عاشقانِ صحابہ و اہلِ بیت ! حضرت عمر فاروقِ اعظم رضی اللہ عنہ  جب تک دُنیا میں تشریف فرما رہے ، اسلام کی سربلندی کے لئے کوشاں رہے * پیارے آقا ، مکی مدنی مصطفےٰ صَلَّی اللہ عَلَیْہ وَآلِہٖ وَسَلَّم