* مَرْد کیلئے وہی اَنگوٹھی جائز ہے جومَردوں کی اَنگوٹھی کی طرح ہو یعنی صِرْف ایک نگینے کی ہو اور اگر اُس میں ( ایک سے زِیادہ یا )  کئی نگینے ہوں تو اگرچِہ وہ چاندی ہی کی ہو ، مَرد کے لیے ناجا ئز ہے ( رَدُّالْمُحتار ، ۹ / ۵۹۷ ) * بِغیر نگینے کی اَنگوٹھی پہننا ناجائز ہے کہ یہ اَنگوٹھی نہیں چَھلّا ہے ، * اگر کسی اِسلامی بھائی نے دھات کاکَڑا  یا دھات کاچَھلّا ، ناجائز اَنگوٹھی ، یا دھات کی زنجیر ( BRACELET-CHAIN ) پہنی ہوئی ہے تواَبھی اَبھی اُتار کر تَوْبَہ کر لیجئے اور آئندہ نہ پہننے کاعہد کیجئے۔

صَلُّوْا عَلَی الْحَبِیْب !                                                    صَلَّی اللہ عَلٰی مُحَمَّد

 * ستاروں کو دیکھتے وقت کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق ”  ستاروں کو دیکھتے وقت کی دعا “ یادکروائی جائےگی۔وہ دُعایہ ہے:

رَبَّنَا مَا خَلَقْتَ ھٰذَا بَاطِلاً سُبْحٰنَکَ فَقِنَا عَذَابَ النَّارِ ۔

ترجمہ : اے ہمارے رب ! تو نے اس کو بے کار نہ بنایا ۔ پاکی تیرے لئے۔ پس ہمیں دوزخ کی آگ سے بچا۔

  ( خزینۂ رحمت ، ص70 )

صَلُّوْا عَلَی الْحَبِیْب !                                        صَلَّی اللہ عَلٰی مُحَمَّد

 * اجتماعی جائزے کا طریقہ ( 72نیک اعمال  )

فرمانِ مُصْطَفٰے صَلَّی اللہ عَلَیْہِ واٰلِہٖ وَسَلَّمَ  :  ( آخرت کے معاملے میں ) گھڑی بھر غور و فکر کرنا 60 سال کی عبادت سے بہتر ہے۔ ( جامع صغیرللسیوطی ، ص۳۶۵ ، حدیث : ۵۸۹۷ )

                   آئیے ! نیک اعمال کا رسالہ پُر کرنے سے پہلے ” اچھی اچھی نیتیں “ کرلیجئے۔