زغملے، ځکه زه په لـمونځ کښې مشغول شوم او د دې غم نه بے خبره شوم. ^([1])

سُبْحٰنَ اللہ! الله پاک دې د خپلو نيکانو بندګانو په وسيله مونږ ته هم هميشه د خپلې پاکې بارګاه په لور د متوجه کيدلو توفيق رانصيب کړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .

په هر حال کښې تَوجُّه د رَبّ په لور ساتئ!

      خوږو او محترمو اسلامي وروڼو! مونږ ته خو د سختې په وخت کښې د خپل رَبِّ کريم طرف ته خامخا متوجه کيدل دي، د دې سره سره د خوشحالئ په وخت کښې هم د هغه رحمان او رحيم طرف ته تَوجُّه ساتل ضروري دي بلکه دا حالت ډير اهم دے ځکه چې عام طور خلق په خوشحالئ کښې خپل خوږ رَبّ تَعالٰی زيات هيروي. حضرت عبد الله بن عبّاس رَضِىَ اللهُ عَـنْهُ فرمائي: رسولُ الله صَلَّى اللهُ عَلَيْهِ وَاٰلِهٖ وَسَلَّم ما ته په نصيحت کښې اوفرمائيل: اِحْفَظِ اللّٰہَ تَجِدْہُ اَمَامَکَ د الله پاک د حقونو حفاظت کوه! تۀ به هغه ځان ته نزدې اومومې  تَعَرَّفْ اِلَی اللّٰہِ فِی الرَّخَاءِ یَعْرِفْکَ فِی الشِّدَّۃِ په خوشحالئ کښې الله پاک ياد ساته! هغه به په تنګ لاسئ کښې تا ته خاص تَوجُّه فرمائي. ^([2])

حضرت مُلّا علي قاري رَحْمَةُ اللهِ عَلَيْه د دې حديثِ پاک لاندې فرمائي: يعنې د کوم څيز چې الله پاک حکم کړے دے، په هغې باندې عمل کوه، د څه نه چې الله پاک منع فرمائيلې ده، د هغې نه ځان ساته، د دې برکت به دا وي چې الله پاک به په دُنيا کښې د مصيبتونو او پريشانو نه او په آخِرت کښې د عذابونو نه ستا حفاظت اوفرمائي. معلومه شوه څوک چې د الله شي، الله پاک د هغه شي. ^([3])