ہو ، وہ بھی پِیرِ کامِل کی تلاش کرے ، پِیر بنائے ، سچی نسبت حاصِل کرے کیونکہ سچّی نسبت کے بغیر معرفت کے درجات طَے ہو پانا بہت دُشوار بلکہ ناممکن ہے۔ دیکھئے ! اللہ پاک نے قرآنِ کریم میں متقی لوگوں کو وسیلہ اختیار کرنے کا حکم دیا ، ارشاد ہوتا ہے :

یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ابْتَغُوْۤا اِلَیْهِ الْوَسِیْلَةَ     ( پارہ : 6 ، سورۂ مائدہ : 35 )

ترجمہ کنز الایمان : اے ایمان والو اللہ سے ڈرو اور اس کی طرف وسیلہ تلاش کرو۔

حکیم الاُمَّت ، مفتی احمد یار خان نعیمی رَحمۃُ اللہ عَلَیْہ اس آیت کے تحت فرماتے ہیں : اس آیت میں تقوی کے بعد وسیلے کی تلاش کا حکم دے کر بتایا گیا کہ کوئی متقی تقویٰ کے کسی درجہ پر پہنچ کر وسیلے سےبےنیاز نہیں ہو سکتا ، لہٰذا کوئی متقی مسلمان یہ نہ سمجھے کہ میں تو متقی ہو گیا اب مجھے اللہ پاک تک پہنچنے کے لئے کسی وسیلے کی ضرورت نہیں ، جیسےہر مومن اَعْمَال و تقویٰ کا حاجت مند ہے یونہی ہر متقی وسیلہ کا محتاج ہے۔  ^{( [1] )}

صَلُّوْا عَلَی الْحَبیب !                                                                                                صَلَّی اللّٰہُ عَلٰی مُحَمَّد

پِیْرِ کامِل کی چار شرائط

اعلیٰ حضرت امامِ اہلسنت ، امام احمد رضا خان  رَحمۃُ اللہ عَلَیْہ فرماتے ہیں : بیعت کے لئے لازِم ہے کہ پِیْر 4 شرطوں کا جامِع ہو؛  ( 1 ) : صحیح العقیدہ سُنّی ہو  ( 2 ) : اتنا عِلْم رکھتا ہو کہ اپنی ضرورت کے مسائِل کتابوں سے نِکال سکے  ( 3 ) : فاسِقِ مُعْلِنْ  ( یعنی اِعلانیہ گُنَاہ کرنے والا )  نہ ہو  ( 4 ) : اس کا سلسلۂ بیعت نبی کریم ، رءوف رحیم صلی اللہ عَلَیْہِ وَ آلِہٖ وَسَلَّم  تک مُتَّصِل  ( یعنی مِلا ہوا )  ہو۔