کی نعمتوں میں اس کا کچھ حِصّہ نہیں کہ اُس نے آخرت کے لئے عمل کیا ہی نہیں۔ ^{( [1] )}     

حُبِّ دُنیا سے تُو بچا یارَبّ !             عاشقِ مصطفےٰ بنا یارَبّ !

کاش ! لب پر مرے رہے جاری       ذِکْر آٹھوں پہر ترا یارَبّ !

آہ ! طغیانیاں گناہوں کی               پار نَیّا مری لگا یارَبّ !

نفس و شیطان ہو گئے غالِب           ان   کے  چُنگل   سے   تُو   چُھڑا     یارَبّ ! ^{( [2] )}

ساری دُنیا ملے پھر بھی غریب

حضرت رابعہ بصریہ  رَحمۃُ اللہ عَلَیْہا  نے ایک روز فرمایا : اگر کسی شخص کو دُنیا کی ساری دولت دے دی جائے ، وہ پھر بھی غریب ( Poor )  ہی رہے گا۔ پوچھا گیا : وہ کیسے ؟  فرمایا : اس لئے کہ دُنیا فانی ہے ، ایک روز سب فنا ہو جائے گا اور وہ مالدار خالی ہاتھ قبر میں اُتر جائے گا۔  ^{( [3] )}    

بے وفا دنیا پہ مت کر اعتبار             تُو اچانک موت کا ہوگا شکار

موت آکر ہی رہے گی یاد رکھ !            جان جاکر ہی رہے گی یاد رکھ !

گر جہاں میں سو برس تُو جی بھی لے        قبر میں تنہا قیامت تک رہے

دُنیا فانی ، آخرت باقی ہے

اے عاشقانِ رسول ! یہ حقیقت ہے ! دُنیا فانی ہے ، یہ جلد ہی فنا ہو جائے گی ، یہاں جتنا بھی عیش کر لیں ، جتنا بھی مال جمع کر لیں ، آخر فنا کے گھاٹ اُترنا ہی ہو گا ، دُنیا سے خالی ہاتھ جانا ہی ہو گا۔ ہم سب  یہ بات جانتے ہیں مگر افسوس ! دُنیا ، مال و دولت ، یہاں کی فانی نعمتوں