اور دُنیا کی بُری حِرْص ختم ہو جائے تو مُعَاشرے کی 90 فیصد بُرائیاں  دَم توڑ جائیں مگر آہ ! دُنیا کی محبّت ، مال و دولت کی حِرْص نے ہمارے مُعَاشرے کو اپنی لپیٹ میں لِیا ہوا ہے۔

حِرْصِ دُنیا نکال دے دِل سے           بس رہوں طالِبِ رِضا یارَبّ !

ہائے حُسْنِ عَمَل نہیں پلّے              حشر میں میرا ہو گا کیا یارَبّ !

خوف دوزخ کا آہ ! رحمت ہو            خاکِ طیبہ کا واسطہ یارَبّ !

دِل کا اُجْڑا چمن ہو پھر آباد               کوئی    ایسی    ہَوَا    چلا    یارَبّ ! ^{( [1] )}

آئیے ! دُنیا کی سب سے کامیاب شخصیت یعنی اپنے آقا و مولا ، رسولِ خُدا ، احمد مجتبیٰ صَلَّی اللہ عَلَیْہِ وَ آلِہٖ وَسَلَّم کا مبارک طرزِ زِندگی سنیئے !

آقا صَلَّی اللہ عَلَیْہِ وَ آلِہٖ وَسَلَّم کا مبارک طرزِ زِندگی

پارہ : 26 سورۃُ الْاَحْقاف کی آیت نمبر 20 میں اللہ  پاک  کا فرمانِ عبرت نشان ہے :

اَذْهَبْتُمْ طَیِّبٰتِكُمْ فِیْ حَیَاتِكُمُ الدُّنْیَا وَ اسْتَمْتَعْتُمْ بِهَاۚ-فَالْیَوْمَ تُجْزَوْنَ عَذَابَ الْهُوْنِ

ترجَمہ کنزُ الایمان : تم اپنے حصہ کی پاک چیزیں اپنی دنیا ہی کی زندگی میں فنا کرچکے اور انہیں برت  چکے تو آج تمہیں ذلت کا عذاب بدلہ دیا جائے گا۔

خلیفۂ اعلیٰ حضرت ، مُفسّرِ قرآن ، حضرتِ صدرُالْاَفاضِل عَلّامہ مولانا مفتی سیِّد محمّد نعیم الدّین مُراد آبادی  رَحمۃُ اللہ عَلَیْہ  تفسیر خَزائِنُ الْعِرفان میں اِس آیتِ مبارکہ کے تحت فرماتے ہیں ، اِس آیت میں اللہ پاک  نے دُنیوی لَذّات اختیار کرنے پر کُفّار کو تَوْبِیْخ  ( یعنی ملامت  ) فرمائی تو رسولِ اَکْرَمْ ، نورِ مُجَسَّم  صَلَّی اللہ عَلَیْہِ وَ آلِہٖ وَسَلَّم اورحُضُور کے اَصحاب علیہم الرِّضْوَان  نے