دُنیوی آسائشوں کا شِکار نہ ہو جاؤں۔ ^{( [1] )}  

آئیے ! بارگاہِ اِلٰہی میں دُعا کرتے ہیں :

حُبِّ دُنیا میں دِل پھنس گیا ہے           نفسِ بدکار حاوِی ہوا ہے

ہائے شیطاں بھی پیچھے پڑا ہے            یاخُدا ! تجھ سے میری دُعا ہے

عشقِ احمد میں آنسو بہاؤں                حُبِّ دُنیا سے خود کو بچاؤں

ایسی توفیق دے اِلتجا ہے               یاخُدا !   تجھ   سے   میری   دُعا   ہے ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

زُہد سُنّتِ مصطفےٰ صَلَّی اللہ عَلَیْہِ وَ آلِہٖ وَسَلَّم ہے

پیارے اسلامی بھائیو ! زُہد یعنی دُنیا سے بےرغبتی اللہ پاک کا محبوب بنانے والا وَصْف ہے اور الحمد للہ ! ہمارے آقا و مولا ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم ہر اچھے وَصْف میں کامِل و اکمل ہیں۔  اللہ پاک کے فَضْل و کرم سے رحمتِ دوجہان ، مکی مدنی سلطان صَلَّی اللہ عَلَیْہِ وَ آلِہٖ وَسَلَّم مالِکِ کونین ہیں ، رَبِّ کائنات نے دُنیا و آخرت کے خزانے آپ کو عطا فرما دئیے ! بلکہ حق تو یہ ہے کہ

کونین بنائے گئے سرکار کی خاطِر         کونین کی خاطِر تمہیں سرکار بنایا

کنجی تمہیں دِی اپنے خزانوں کی خُدا نے     محبوب  کیا ،  مالِک  و   مختار   بنایا ^{( [3] )}

 غرض ؛ جو کچھ اللہ پاک کا ہے ، سب سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَسَلَّم  کے اِخْتیار میں دیا گیا ، اس کے باوُجُود ہمارے آقا و مولا ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم دُنیا