د تپوس کولو سُنَّت او آداب

د آخري نبي، رسولِ هاشمي صَلَّى اللهُ عَلَيْهِ وَاٰلِهٖ  وَسَلَّم 2 فرامين مبارک: (1): څوک چې د مريض تپوس له ځي هغه د جَنَّت په باغونو کښې کښيني، کله چې هغه اودريږي نو 70 زره فرښتې تر شپې پورې د هغه د پاره دعا کوي۔ ^([1])(2): څوک چې د ثواب په طمع باندې د خپل مسلمان ورور تپوس اوکړي، هغه به د دوزخ نه تر د 70 کالو فاصلې پورې لرې کولے شي۔ ^([2])  

اے عاشقانِ رَسُول !  د مريض تپوس کول سُنَّتِ مصطفٰے بلکه سُنَّتِ انبيا دے * د نبيانو د نبي رسولِ هاشمي صَلَّى اللهُ عَلَيْهِ وَاٰلِهٖ وَسَلَّم  دا عادت مبارک وو چې کله به ورته د يو صحابي د ناروغتيا پته اولګيده نو هغوئي صَلَّى اللهُ عَلَيْهِ وَاٰلِهٖ وَسَلَّم  به د هغه د تپوس د پاره تشريف وړلو * که چرې يو کَس به تر دريو ورځو پورې جُمات ته رانغلے نو هغوئي صَلَّى اللهُ عَلَيْهِ وَاٰلِهٖ وَسَلَّم  به د هغه په باره کښې د خلقو نه پوښتنه کوله، که چرې هغه به ناروغه وو نو د هغه تپوس له به تللو ^([3]) * او که چرې د تپوس کولو د پاره به د مدينې منورې آخري سر ته هم تشريف وړل وو نو تشريف به ئې وړلو او د خپلو صحابۀ کرامو تپوس به ئې کولو۔ ^([4]) د قرآنِ کريم مشهور مفسر، مفتي احمد يار خان نعيمي رَحْمَةُ اللهِ عَلَيْه  فرمائي چې: د حُضُور صَلَّى اللهُ عَلَيْهِ وَاٰلِهٖ وَسَلَّم  په اخلاقِ کريمه کښې دي چې هغوئي صَلَّى اللهُ عَلَيْهِ وَاٰلِهٖ وَسَلَّم  به د هر مالداره او غريب کور ته د تپوس د پاره تشريف وړلو۔ ^([5]) د حُضُور صَلَّى اللهُ عَلَيْهِ وَاٰلِهٖ وَسَلَّم  عادت مبارک به دا وو چې کله به ئې د يو مريض د تپوس د پاره تشريف وړلو نو دا به ئې فرمائيل: لَا بَاْسَ طَہُوْرٌ اِنْ شَاۤءَ اللہ (يعني: هيڅ خبره نه ده که چرې الله پاک اوغوښتل نو دا مرض د (ګناهونو) نه پاکوونکے دے) د يو اعرابي (د کلي اوسيدونکي) د تپوس د پاره چې ئې تشريف يوړلو نو هم دا ئې اوفرمائيل: لَا بَاْسَ طَہُوْرٌ اِنْ شَاۤءَ اللہ۔^([6])    

د مختلفو سنتو زده کولو د پاره د مکتبۃ المدینه د بهارِ شريعت جلد: 3 نه 16 حصې او د شيخ طريقت، امير اهلسنت علامه مولانا ابو بلال محمد الياس عطار قادري رضوي دَامَتْ بَرَکَاتُهُمُ الْعَالِیَه د 91 مخونو رساله 550 سنت او